நள்ளிரவில் பயங்கரம்.. பெற்றோர் கண் முன்னே பெண்ணுக்கு நேர்ந்த கொடூரம்.. சீறிப்பாய்ந்து 40 கொள்ளையர்களை சிங்கமாய் வேட்டையாடிய ராணுவ வீரன்.. பரபரப்பு பின்னணி..!!

கடந்த 2010ஆம் ஆண்டு செப்டம்பர் 2 அன்று நள்ளிரவில், அடர்ந்த காட்டுப் பகுதி வழியே சென்று கொண்டிருந்த மௌரியா எக்ஸ்பிரஸ் ரயில் திடீரென நிறுத்தப்பட்டபோது, சுமார் 40 ஆயுதமேந்திய கொள்ளையர்கள் பயணிகளைச் சூறையாட உள்ளே புகுந்தனர். அந்த அபாயகரமான சூழலில், 35 வயதான முன்னாள் கூர்க்கா ராணுவ வீரர் விஷ்ணு ஸ்ரேஸ்தா என்பவர், ஆரம்பத்தில் தனது உடமைகளைக் கொடுத்துவிடவே நினைத்தார். ஆனால், கொள்ளையர்கள் அங்கிருந்த ஒரு 18 வயது இளம் பெண்ணை அவரது பெற்றோரின் கண்ணெதிரேயே பாலியல் வன்கொடுமை செய்ய வலுக்கட்டாயமாக இழுத்துச் சென்றபோது, அந்தப் பெண்ணின் மரண ஓலத்தைக் கேட்டு அவரால் சும்மா இருக்க முடியவில்லை. தன் உயிரையும் பொருட்படுத்தாமல், கூர்க்கா வீரர்களின் பாரம்பரிய கத்தியான “குக்ரி”யை கையில் எடுத்த விஷ்ணு, கொள்ளைக் கூட்டத்தின் மீது அதிரடியாகப் பாய்ந்து சிங்கமாக வேட்டையாடத் தொடங்கினார்.

தனியொரு மனிதனாகக் கொள்ளையர்களை வெட்டிச் சாய்த்த விஷ்ணு, அவர்களில் 3 பேரைக் கொன்று, 8 பேரைக் படுகாயப்படுத்தி, மற்றவர்களை அலறியடித்து ஓட வைத்தார். இவரது இந்த அசாத்திய துணிச்சலைப் பார்த்த மற்ற பயணிகளும் திரண்டு வந்து கொள்ளையர்களை ரயிலை விட்டு விரட்டியடித்தனர். இடது கையில் பலத்த காயம் ஏற்பட்ட போதிலும், ரயில் அடுத்த நிலையத்தை அடையும் வரை விஷ்ணு கம்பீரமாக நின்றுகொண்டிருந்தார். பின்னர், தப்பியோடிய கொள்ளையர்களைப் போலீஸார் நகைகளுடன் கைது செய்தனர். விஷ்ணுவின் இந்த வீர தீர செயலுக்காக அவருக்குப் புகழ்பெற்ற ‘மெடல் ஆஃப் ஆனர்’ விருது வழங்கப்பட்டது. பாதிக்கப்பட்ட பெண்ணின் குடும்பத்தினர் நன்றிக் கடனாகக் கொடுத்த பணத்தையும் அவர் வாங்க மறுத்து, “போர்க்களத்தில் எதிரியை எதிர்ப்பது ஒரு வீரனாக என் கடமை; ரயிலில் தீமையை எதிர்த்துப் போராடியது ஒரு மனிதனாக என் கடமை” என்று கூறி ஒட்டுமொத்த இந்தியாவையும் நெகிழ வைத்தார்.