FLASH: முதியோர் உதவித்தொகை வரவு வைப்பு.. காலையிலேயே சூப்பர் குட் நியூஸ்..!!

முதியோர் உதவித்தொகை பெறும் பயனாளிகளின் வங்கிக் கணக்குகளில் இந்த மாதத்திற்கான உதவித்தொகை வழக்கமான தேதியிலேயே அரசு தரப்பில் வரவு வைக்கப்பட்டுள்ளது. கடந்த மாதம், தபால் நிலையங்களில் புதிய கணக்குகளைத் தொடங்குமாறு வலியுறுத்தி, தகுதியான பல முதியோர்களுக்கான உதவித்தொகையை அரசு திடீரென நிறுத்தி வைத்ததாகப் பல்வேறு புகார்கள் எழுந்தன. இதனால், வழக்கமாக ஒவ்வொரு மாதமும் 4 அல்லது 5-ஆம் தேதிகளிலேயே முதியோர்களின் கணக்கில் நேரடியாகச் செலுத்தப்பட்டு வந்த பணம், கடும் தாமதத்திற்குப் பிறகு 20-ஆம் தேதிக்கு மேல் தான் பயனாளிகளுக்கு வழங்கப்பட்டது.

இந்த நடைமுறைச் சிக்கலால் கடந்த மாதத்தில் முதியவர்கள் மற்றும் மாற்றுத்திறனாளிகள் போன்ற பயனாளிகள் தங்களின் அன்றாடச் செலவுகளுக்குப் பணமின்றிப் பெரும் அவதிக்குள்ளாகினர். இருப்பினும், இந்த மாதத்தில் எவ்விதத் தாமதமும் இன்றி, வழக்கமான தேதியிலேயே உதவித்தொகை தங்களின் வங்கிக் கணக்குகளுக்கு வந்து சேர்ந்திருப்பதால் தங்களுக்கு ஏற்பட்டு வந்த மன உளைச்சல் நீங்கி, பயனாளிகள் அனைவரும் தற்போது சற்று நிம்மதி அடைந்துள்ளனர்.