“அதிர்ச்சி..! மாலை 4 மணிக்கு அரங்கேறிய கொடூரம்..” சிறுவனின் அலறல் சத்தம் கேட்டு ஓடிய மக்கள்… காட்டில் காத்திருந்த நெஞ்சை உலுக்கும் காட்சி..!!

உத்தரகாண்ட் மாநிலம் பித்தோராகர் மாவட்டத்தில் உள்ள காங்கோலிஹாட் பண்டாரிகாவ் கிராமத்தில், 8 வயது சிறுவன் ஒருவன் சிறுத்தைக்கு இரையான கொடூர சம்பவம் அப்பகுதியில் பெரும் சோகத்தையும் பயத்தையும் ஏற்படுத்தியுள்ளது. நேற்று மாலை சுமார் 4 மணி அளவில், அந்தச் சிறுவன் தனது வீட்டின் அருகே இருந்தபோது, திடீரென குடியிருப்புப் பகுதிக்குள் நுழைந்த சிறுத்தை ஒன்று கண்ணிமைக்கும் நேரத்தில் சிறுவனைக் கவ்விக்கொண்டு ஓடியுள்ளது. சிறுவனின் அலறல் சத்தம் கேட்டுப் பதறிப்போன குடும்பத்தினரும் கிராம மக்களும் உடனடியாகச் சிறுத்தையைத் துரத்திக்கொண்டு தேடத் தொடங்கினர்.

இருப்பினும், கிராம மக்கள் சிறுவனை மீட்டெடுப்பதற்கு முன்பாகவே, அந்தச் சிறுத்தை சிறுவனைக் கொன்று தனது பசிக்கு இரையாக்கியுள்ளது. தீவிரத் தேடுதலுக்குப் பிறகு, கிராமத்தில் இருந்து சுமார் 200 மீட்டர் தொலைவில் உள்ள காட்டுப் பகுதியில் சிறுவனின் உடல் சிதைந்த நிலையில் கண்டெடுக்கப்பட்டது. இந்தச் சம்பவத்தால் ஆத்திரமடைந்த கிராம மக்கள், வனத்துறையினர் உடனடியாக அந்தச் சிறுத்தையைப் பிடித்து தங்களுக்குப் பாதுகாப்பு வழங்க வேண்டும் என வலியுறுத்தி வருகின்றனர்.