“அம்மாதான் அப்பாவை…” மருமகனுடன் வாழ கூலிப் படை ஏவி மனவிவி போட்ட பக்கா ஸ்கெட்ச்.. 8 வயது சிறுவன் சொன்ன ரகசியம்.. உறைந்து போன நீதிமன்றம்

உத்தரப் பிரதேச மாநிலம் பாராபங்கியில், தனது கணவரைத் திட்டமிட்டுத் கொலை செய்துவிட்டு அதனைச் சாலை விபத்து என நாடகமாடிய மனைவி பூஜை மற்றும் அவருக்கு உடந்தையாக இருந்த கூலிப்படை கொலையாளி கமலேஷ் ஆகிய இருவருக்கும் நீதிமன்றம் ஆயுள் தண்டனை விதித்து அதிரடி தீர்ப்பு வழங்கியுள்ளது. தனது மருமகனுடன் சேர்ந்து வாழ்வதற்காக, கணவர் ஹனுமான் லாலைத் தீர்த்துக்கட்ட பூஜை இந்தச் சதியை அரங்கேற்றியுள்ளார். இதற்காக ரிக்‌ஷா ஓட்டுநரான கமலேஷுக்கு ஒரு லட்ச ரூபாய் பணம் கொடுத்துக் கூலிப்படையாக மாற்றியுள்ளார். பின்னர், தனது கணவரைத் தேவா திருவிழாவிற்குச் சுற்றுலா அழைத்துச் செல்வதாகக் கூறி, அங்கு வைத்து கமலேஷின் உதவியுடன் கொடூரமாகக் கொலை செய்துள்ளார்.

இந்தக் கொலை வழக்கின் விசாரணையில், ஹனுமான் லாலின் 8 வயது மகன் யாஷ் அளித்த சாட்சியம் குற்றவாளிகளைச் சட்டத்தின் முன் நிறுத்த மிக முக்கிய ஆதாரமாக அமைந்தது. தனது தாயார் இரும்பு கம்பியால் தந்தையைத் தாக்கியதாக அந்தச் சிறுவன் நீதிமன்றத்தில் தைரியமாக வாக்குமூலம் அளித்தான். இந்தச் சிறுவனின் சாட்சியம் மற்றும் இதர வலுவான ஆதாரங்களின் அடிப்படையில், மனைவியின் கொடூரமான கொலைத் திட்டத்தை உறுதி செய்த நீதிமன்றம், இரு குற்றவாளிகளுக்கும் ஆயுள் தண்டனை விதித்துச் சிறையில் அடைத்துள்ளது.