ஹெல்மெட்ல என்ன அது..? டிராஃபிக்கில் கேட்ட பைக் ரைடர்… பெண் சொன்ன ஷாக்கிங் காரணம்…! இணையத்தில் வைரலாகும் வீடியோ..!!

இந்தியாவின் தொழில்நுட்ப நகரமான பெங்களூருவில், பெண்கள் தனியாகப் பயணம் செய்வது வழக்கமான ஒன்றாகும். இருப்பினும், பெண்கள் பாதுகாப்பு மற்றும் பின் தொடர்தல் குறித்த கவலைகள் அடிக்கடி எழுகின்றன. இந்நிலையில், பெங்களூருவைச் சேர்ந்த பெண் ஒருவர், சாலையில் செல்லும்போது தனது பாதுகாப்பை உறுதிசெய்து கொள்ள ஒரு வினோதமான மற்றும் பயனுள்ள முயற்சியை மேற்கொண்டுள்ளார். இது தொடர்பாக சமூக வலைதளங்களில் பகிரப்பட்ட வீடியோ ஒன்று தற்போது வைரலாகி வருகிறது.

‘Lokesh Solo Rider’ என்ற இன்ஸ்டாகிராம் பக்கத்தில் பகிரப்பட்ட அந்த வீடியோவில், டிராஃபிக்கில் நின்றுகொண்டிருந்த ஒரு பெண்ணின் ஹெல்மெட்டில் இருந்த சாதனத்தைப் பார்த்து, பைக் ஓட்டி வந்த நபர் அது என்னவென்று கேட்கிறார். அதற்கு அப்பெண், அது ஒரு கேமரா என்றும், அதன் விலை சுமார் ரூ.3,000 என்றும் கூறுகிறார். இதற்கு முன் ஒரு நபர் தன்னைத் தொடர்ந்து பின்தொடர்ந்து வந்ததாகவும், அதனால் சாலையில் பயணிக்கும் போது எந்த ஆபத்தும் நேர்ந்துவிடக் கூடாது என்பதற்காகவும், அசம்பாவிதம் ஏதேனும் நடந்தால் அதை ஆதாரமாகப் பதிவு செய்யவும் இந்த கேமராவைப் பொருத்தியதாக அப்பெண் விளக்குகிறார்.

https://www.instagram.com/reel/Dd9FzuuBxzt/?utm_source=ig_web_button_share_sheet

இந்தச் உரையாடலின் வீடியோ சமூக வலைதளங்களில் பரவியதை அடுத்து, பலரும் அப்பெண் பயன்படுத்திய கேமரா குறித்து ஆர்வம் காட்டி வருகின்றனர். சிலர் அது ‘Qubo Bike Dashcam’ எனக் கருத்து தெரிவித்து வருகின்றனர். மேலும், இதுபோன்ற பாதுகாப்புப் பிரச்சனைகள் பெங்களூருவில் மட்டுமல்லாமல் பல்வேறு இடங்களிலும் பெண்கள் எதிர்கொள்ளும் ஒரு தீவிரமான விஷயம் என்றும், அப்பெண்ணின் இந்த முன்முயற்சி மிகவும் பாராட்டுக்குரியது என்றும் பயனர்கள் கருத்து தெரிவித்து வருகின்றனர்.