அம்மாடியோ.. அந்தரத்தில் இருந்து விழுந்த பிரம்மாண்ட ஐஸ் கட்டிகள்.. கார் கண்ணாடிகள் சுக்குநூறாக உடைந்த கொடூரம்.. உறைந்துபோன பொதுமக்கள்.. வைரல் வீடியோ..!!

உத்தரகண்ட் மாநிலத்தின் 13 மாவட்டங்களில் 6 மாவட்டங்களில் கடுமையான சூறாவளிக் காற்று மற்றும் கனமழையுடன் பயங்கர ஆலங்கட்டி மழை பெய்து பெரும் சேதத்தை ஏற்படுத்தியுள்ளது. அதே வேளையில், மற்ற 2 மாவட்டங்களின் உயர் மலைப்பகுதிகளில் கடுமையான பனிப்பொழிவு பதிவாகியுள்ளது. இந்த விபரீத வானிலை மாற்றத்தால் பெய்த ஆலங்கட்டிகள் வழக்கத்திற்கு மாறாக மிக பிரம்மாண்டமான அளவில் இருந்ததால், சாலையில் சென்ற மற்றும் நிறுத்தப்பட்டிருந்த பல கார்களின் முன்பக்கக் கண்ணாடிகள் முற்றிலும் உடைந்து நொறுங்கின.

இந்த மாபெரும் ஆலங்கட்டி மழையின் தாக்கத்தால் பல கார் விற்பனை நிலையங்களின் தகரக் கூரைகள் அடியோடு சேதமடைந்து பெரும் நஷ்டத்தை ஏற்படுத்தியுள்ளன. மேலும், அப்பகுதியில் உள்ள பிரதான சாலைகள் அனைத்தும் கொட்டித் தீர்த்த ஆலங்கட்டிகளால் ஒட்டுமொத்தமாக மூடப்பட்டு, பனி படர்ந்தது போல வெண்ணிறப் போர்வையால் போர்த்தப்பட்டது போன்ற விசித்திரமான காட்சி அரங்கேறியுள்ளது. இந்தத் திடீர் இயற்கையின் சீற்றத்தால் போக்குவரத்து முற்றிலும் பாதிக்கப்பட்டதோடு, பொதுமக்களின் இயல்பு வாழ்க்கையும் பெருமளவில் முடங்கியுள்ளது.