“அப்பாகிட்ட அதை மட்டும் சொல்லாதீங்க உயிரையே விட்ருவாரு” எல்லாமே போச்சு… தூக்கில் தொங்கிய தங்கப் பதக்கம் வென்ற மாணவி… சிக்கிய உருக்கமான தற்கொலை கடிதம்..!!

இஸ்லாமாபாத்தில் உள்ள சண்டே மார்க்கெட் அருகே இளம் பெண் ஒருவர் மரத்தில் தூக்கிட்டுத் தற்கொலை செய்துகொண்ட சம்பவம் பெரும் சோகத்தை ஏற்படுத்தியுள்ளது. 21 வயதான ‘லைபா இஜாஸ்’ என்ற அந்தப் பெண், ஒரு பெரிய ஆன்லைன்/கல்வி முகவர் மோசடியில் சிக்கித் தன் பணத்தை இழந்ததால் இந்த முடிவை எடுத்தது விசாரணையில் தெரியவந்துள்ளது.

லைபா சர்வதேச இஸ்லாமிய பல்கலைக்கழகத்தில் இயற்பியல் துறையில் இளங்கலை பட்டம் பெற்று, தங்கப் பதக்கமும் வென்ற மிகச் சிறந்த மாணவி ஆவார். வறுமையில் வாடும் குடும்பத்திற்கு உதவ வேண்டும் என்பதே இவரது முக்கிய இலக்கலாக இருந்தது. நாடோடி பால் வியாபாரியாக இருக்கும் தனது தந்தையின் பொருளாதாரச் சுமையைக் குறைக்கவும், நல்ல வேலை வாய்ப்பைப் பெறவும் அமெரிக்காவில் முதுகலை பட்டம் படிக்க அவர் தீவிரமாக விரும்பினார்.

அமெரிக்காவின் புகழ்பெற்ற ஹார்வர்ட் பல்கலைக்கழகத்தில் சேர்க்கை மற்றும் உதவித்தொகை பெற்றுத் தருவதாகக் கூறிய ஒரு குடியேற்ற ஆலோசகரை லைபா தொடர்புகொண்டார். அந்த ஆலோசகர் இதற்காக 70 லட்சம் பாகிஸ்தான் ரூபாயை (சுமார் 95,000 ரியால்) கட்டணமாகக் கேட்டுள்ளார். வாடகை வீட்டில் வசித்து வந்த இவரது தந்தை, மகளின் கனவுக்காகத் தங்களுக்குச் சொந்தமான நிலத்தை 21 லட்சம் ரூபாய்க்கு விற்றார். மீதித் தொகையைச் சரிசெய்ய இவரது தாயார் தனது நகைகளை வங்கியில் அடகு வைத்தார்.

முழுத் தொகையையும் செலுத்திய பின், அந்த ஆலோசகர் அதிகாரப்பூர்வ முத்திரையிடப்பட்ட சேர்க்கை ஆவணங்களை லைபாவிடம் வழங்கினார். தன் கனவு நனவாகிவிட்டதாக லைபா பெருமகிழ்ச்சி அடைந்தார். ஆனால், பல்கலைக்கழகத்தைச் சேர்ந்த அதிகாரிகளைத் தொடர்புகொண்டு ஆவணங்களைச் சரிபார்த்தபோது, அவை அனைத்தும் முற்றிலும் போலி எனத் தெரியவந்தது. இதனால் பேரதிர்ச்சியடைந்த லைபா, தனது மாமாவுக்கு “நான் ஏமாற்றப்பட்ட விஷயத்தை என் தந்தையிடம் கூறிவிடாதீர்கள்; அவருக்குத் தெரிந்தால் உயிர் விட்டுவிடுவார்” என்று உருக்கமான கடைசி குறுஞ்செய்தியை அனுப்பிவிட்டு வீட்டிலிருந்து வெளியேறினார். தேடுதலுக்குப் பிறகு, அவர் மரத்தில் தூக்கிட்டு உயிரை மாய்த்துக் கொண்டது கண்டுபிடிக்கப்பட்டது.