“பொறுமையா இருங்க” பாமக வந்தால் விசிக வெளியேறும்.. அமைச்சரவையில் மாற்றமா..? அமைச்சர் செங்கோட்டையன் கொடுத்த பதில்..!!

“தமிழக அமைச்சரவை மாற்றம் என்பது காலப்போக்கில்தான் தெரியவரும்” என்று தமிழக வெற்றிக் கழக அரசின் அமைச்சரான கே.ஏ. செங்கோட்டையன் தெரிவித்துள்ளார்.பாமக தவெக கூட்டணியில் இணைந்தால் விசிக அக்கூட்டணியில் இருந்து வெளியேறும் என்று சமூக நீதித் துறை அமைச்சர் வன்னி அரசு தெரிவித்திருந்த கருத்து தொடர்பாகச் செய்தியாளர்கள் எழுப்பிய கேள்விக்கு அவர் இந்த விளக்கத்தை அளித்துள்ளார். தவெக கூட்டணியில் இருந்து சில கட்சிகள் வெளியேறுவது குறித்து தற்போது எதுவும் சொல்ல முடியாது என்றும் அவர் மழுப்பலாகப் பதிலளித்துள்ளார்.

தவெக அமைச்சரவையில் பாமக இடம் பெறலாம் என்று வெளியாகும் தகவல்கள் அரசியல் வட்டாரத்தில் பெரும் விவாதத்தை ஏற்படுத்திய நிலையில், சாதியவாத மற்றும் மதவாத சக்திகளுடன் விசிக ஒருபோதும் கூட்டணி வைக்காது என அமைச்சர் வன்னி அரசு திட்டவட்டமாகக் குறிப்பிட்டிருந்தார். கூட்டணிக் கட்சிகளுக்குள் நிலவி வரும் இந்த மோதல் போக்கு குறித்துப் பேசிய அமைச்சர் செங்கோட்டையன், கூட்டணி மாற்றங்கள் மற்றும் அமைச்சரவை மறுசீரமைப்பு தொடர்பான முடிவுகள் காலப்போக்கில் மட்டுமே தெளிவாகத் தெரியவரும் எனக்கூறி தற்போதைய அரசியல் யூகங்களுக்கு முற்றுப்புள்ளி வைக்க முயன்றுள்ளார்.