“அவ ஷாக் அடிச்சி இறந்திட்டா…” கொடூரமாக 15 ஆண்டு காதலியை கொன்று நாடகமாடிய காதலன்.. பிரேதப் பரிசோதனை அறிக்கையில் அம்பலமான உண்மை.. திடுக்கிடும் பின்னணி..!1

மகாராஷ்டிர மாநிலம் நாக்பூரில், தன்னைத் திருமணம் செய்ய வற்புறுத்திய கவிதா என்ற 35 வயது திருமணமான பெண்ணை, அவரது காதலன் ஜாவேத் ஷேக் சாஹித் மன்னியார் கொடூரமாகக் கொலை செய்துள்ளார். கல்லூரி காலம் முதல் 15 ஆண்டுகளாகக் காதலித்து வந்த இவர்கள், வெவ்வேறு மதத்தினர் என்பதால் தனித்தனியாகத் திருமணம் செய்து கொண்டனர். எனினும், கவிதாவின் கணவர் வெளியூர் சென்றிருந்த நேரத்தில் வீட்டிற்கு வந்த ஜாவேத்திடம், கவிதா தன்னைத் திருமணம் செய்துகொள்ளுமாறு வற்புறுத்தியுள்ளார். இதனால் ஏற்பட்ட ஆத்திரத்தில், ஜாவேத் கவிதாவின் தலையில் கனமான பொருளைக் கொண்டு தாக்கிப் படுகொலை செய்ததுடன், அது மின் அதிர்ச்சியால் ஏற்பட்ட விபத்து என மாற்றுவதற்காக அறை வெப்பமூட்டியை பயன்படுத்தி அவரது உடலில் மின்சாரத்தைப் பாய்ச்சியுள்ளார்.

மறுநாள் காலை வீடு திரும்பிய கவிதாவின் மகள்கள், தாய் மின் அதிர்ச்சியால் இறந்து கிடப்பதாகக் கருதினாலும், பிரேதப் பரிசோதனை அறிக்கையில் தலையில் ஏற்பட்ட பலத்த காயமே மரணத்திற்குக் காரணம் என்பது வெளிச்சத்திற்கு வந்தது. இதையடுத்து, கவிதாவின் மொபைல் அழைப்பு விவரங்களை ஆய்வு செய்த போலீசார், ஜாவேத்துடன் அவர் தொடர்ந்து பேசி வந்ததை உறுதி செய்தனர். இரயில் மூலம் ஜல்காவ்ன் மாவட்டத்திற்குத் தப்பிச் சென்ற ஜாவேத்தை, உள்ளூர் காவல்துறையினரின் உதவியுடன் போலீசார் செவ்வாய்க்கிழமை அதிரடியாகக் கைது செய்தனர்.