அடக்கடவுளே..! லைக்ஸுக்காக இவ்வளவு பெரிய ரிஸ்க்கா..? கழுத்தில் கயிறைக் கட்டி 6 பைக்குகளால் இழுக்கப்பட்ட பகீர் சம்பவம்..! பதறவைக்கும் வைரல் வீடியோ..!!

சமூக வலைதளங்களில் 39 வினாடிகள் கொண்ட அதிர்ச்சியளிக்கும் வீடியோ ஒன்று வைரலாகி வருகிறது. அதில், ஒரு நபரின் கழுத்து மற்றும் உடலின் மேல் பகுதியில் கயிறுகள் சுற்றப்பட்டு, அந்த கயிறுகளின் மறுமுனைகள் சுமார் ஆறு மோட்டார் சைக்கிள்களுடன் இணைக்கப்பட்டுள்ளன. அந்த பைக்கர்கள் வெவ்வேறு திசைகளில் மோட்டார் சைக்கிள்களை முடுக்கி இழுக்க முயன்றபோது, எதிர்பாராதவிதமாக அந்த ஸ்டண்ட் நிகழ்வு கட்டுப்பாட்டை இழந்து மிகவும் ஆபத்தான சூழலாக மாறியது.

பைக்கர்கள் வாகனங்களை வேகமாக இயக்கத் தொடங்கியதும், அந்த நபர் நிலைதடுமாறி கீழே விழுந்து சிறிது தூரம் இழுத்துச் செல்லப்பட்டார். சூழ்நிலையின் தீவிரத்தை உணர்ந்த அங்கிருந்த பொதுமக்கள் உடனடியாக ஓடிவந்து, அவரை மீட்டெடுக்க முயன்றனர். இருப்பினும், மீட்புப் பணியில் பொதுமக்கள் ஈடுபட்டிருந்த தருணத்திலும் சில பைக்கர்கள் வாகனங்களின் வேகத்தைக் குறைக்காமல் முடுக்குவது போல் வீடியோவில் காட்சி கிடைக்கிறது.

இந்த ஆபத்தான சம்பவம் எங்கு நடந்தது என்பது பற்றிய அதிகாரப்பூர்வ தகவல்கள் இன்னும் உறுதி செய்யப்படவில்லை. இணையத்தில் இந்த வீடியோ பரவியதைத் தொடர்ந்து, பயனர்கள் பலரும் கடுமையான விமர்சனங்களை முன்வைத்து வருகின்றனர். லைக்குகளுக்காகவும் புகழுக்காகவும் உயிரைப் பணயம் வைத்து இத்தகைய முட்டாள்தனமான செயல்களில் ஈடுபடுவதைக் கண்டித்தும், உடனடி நடவடிக்கை எடுக்கக் கோரியும் கருத்துகளைப் பதிவிட்டு வருகின்றனர்.