இது என்ன கொடுமை..! ட்ரெயின் பெட்டியா இல்ல பான் ஷாப்பா..? ரயில்வே துறையை கேள்வி கேட்கும் நெட்டிசன்கள்.. வைரலாகும் ஷாக் வீடியோ..!!

மும்பையில் இருந்து சத்தீஸ்கர் செல்லும் ரயிலின் ஏசி (3AC) பெட்டியில், பயணி அமரும் இருக்கையிலேயே பான் வியாபாரி ஒருவர் கடை போன்று செட்டப் செய்து சுமார் 20 முதல் 25 பான்களை தயாரிக்கும் வீடியோ ஒன்று சமூக வலைத்தளங்களில் வைரலாகி பெரும் விவாதத்தை ஏற்படுத்தியுள்ளது. @indiain24hr என்ற எக்ஸ் தளப் பக்கத்தில் பகிரப்பட்ட இந்தக் காட்சியில், வியாபாரி இருக்கையின் மீது ஒரு துணியை விரித்து வைத்துக்கொண்டு பான் தயாரிப்பதும், அருகில் சக பயணிகள் அதைக் கவனிப்பதும் பதிவாகியுள்ளது.

ரயிலின் பொதுவான பயணிகள் பகுதியில், அதுவும் குளிர்சாதனப் பெட்டியில் உணவுப் பொருட்கள் தயாரிக்கப்படுவதால், சுகாதாரமற்ற சூழல் மற்றும் உணவுப் பாதுகாப்பு குறித்து சமூக வலைத்தளப் பயனர்கள் பலரும் கடுமையான கேள்விகளை எழுப்பியுள்ளனர். குறிப்பாக, பயணிகள் அமர்ந்து ஓய்வெடுக்கும் இடத்தில் இந்த மாதிரியான செயல்கள் நடைபெறுவது குறித்த கவலைகள் இணையத்தில் பரவலாக விவாதிக்கப்பட்டு வருகின்றன.

இதுவரை இந்தச் சம்பவம் குறித்து இந்திய ரயில்வே தரப்பிலிருந்து எந்தவித அதிகாரப்பூர்வ பதிலும் அளிக்கப்படவில்லை என்றாலும், முன்பதிவு செய்யப்பட்ட பெட்டிகளில் அங்கீகரிக்கப்படாத உணவு விற்பனை மற்றும் பயணிகளின் சுகாதாரம் தொடர்பான விதிகளை கடுமையாக அமல்படுத்த வேண்டிய அவசியத்தை இந்தச் சம்பவம் மீண்டும் ஒருமுறை வெளிச்சம் போட்டுக் காட்டியுள்ளது.