“அவள் இல்லை, ஆனாஇன்னும் வாழ்கிறாள்…” கோயிலுக்குச் சென்ற வழியில் பெண்ணிற்கு நேர்ந்த விபரீதம்.. 3 பேருக்கு மறுஜென்மம் கொடுத்துவிட்டு அரசு மரியாதையுடன் விடைபெற்ற தேவதை..!!

மத்தியப் பிரதேச மாநிலம் நர்மதபுரம் மாவட்டம் கபாகுர்த் கிராமத்தைச் சேர்ந்த ஷிவானி ஷர்மா என்ற பெண், கடந்த அக்டோபர் 10 அன்று தனது கணவருடன் சல்கன்பூர் தேவி தாம் கோயிலுக்கு இருசக்கர வாகனத்தில் சென்றபோது நேர்ந்த சாலை விபத்தில் பலத்த காயமடைந்தார். போபால் எய்ம்ஸ் மருத்துவமனையில் அனுமதிக்கப்பட்ட அவர், சிகிச்சை பலனின்றி மூளைச்சாவு அடைந்ததாக மருத்துவர்கள் அறிவித்தனர். தங்களின் அன்புக்குரியவரை இழந்த தாங்க முடியாத துயரத்திலும், அவரது குடும்பத்தினர் எடுத்த உன்னதமான உறுப்பு தான முடிவின் மூலம் ஷிவானியின் கல்லீரல் மற்றும் இரண்டு சிறுநீரகங்கள் தானமாகப் பெறப்பட்டு, உயிருக்குப் போராடிக் கொண்டிருந்த மூன்று நோயாளிகளுக்குப் புதிய மறுவாழ்வு அளிக்கப்பட்டுள்ளது.

முதலமைச்சர் மோகன் யாதவ் இக்குடும்பத்தினரின் மனிதாபிமானமிக்க இந்தத் துணிச்சலான முடிவைப் பாராட்டியுள்ளார். அரசின் சிறப்பு உத்தரவின்படி, மறைந்த ஷிவானியின் உடல் அவரது சொந்தக் கிராமத்திற்குக் கொண்டு வரப்பட்டபோது, மத்தியப் பிரதேச காவல்துறையினர் அவருக்குத் துப்பாக்கி ஏந்தி மரியாதை அணிவகுப்பு நடத்தி, அரசு மரியாதையுடன் இறுதி அஞ்சலி செலுத்தினர். மரணத்திற்குப் பின்பும் மனிதநேயத்தை நிலைநாட்டிய இச்சம்பவம் ஒட்டுமொத்த சமூகத்தையும் நெகிழ்ச்சியில் ஆழ்த்தியுள்ளது.