குடும்பத்தில் வெடித்த சண்டை.. மனைவியின் தலையில் சுத்தியலால் அடித்த கணவனின் வெறிச்செயல்.. 5 நாட்கள் உயிருக்குப் போராடிய 28 வயதுப் பெண்ணுக்கு நேர்ந்த கொடூரம்.. பெரும் பரபரப்பு சம்பவம்..!!

ஹைதராபாத்தின் திலகல்குண்டா பகுதியில் உள்ள அச்சி ரெட்டி நகரில், 28 வயதான ஜைபுன் பேகம் என்ற பெண் அவரது கணவரால் சுத்தியலால் கொடூரமாகத் தாக்கப்பட்டு உயிரிழந்த சம்பவம் பெரும் பரபரப்பை ஏற்படுத்தியுள்ளது. குடும்பத் தகராறு காரணமாகக் கணவர் நடத்திய இந்த வெறித்தனமான தாக்குதலில், ஜைபுன் பேகம் தலை மற்றும் உடலில் பலத்த காயமடைந்தார். ஆபத்தான நிலையில் மீட்கப்பட்ட அவர், உடனடியாக காந்தி மருத்துவமனையில் அவசரச் சிகிச்சைக்காக அனுமதிக்கப்பட்டார்.

மருத்துவமனையில் அனுமதிக்கப்பட்ட ஜைபுன் பேகம், கடந்த 4 முதல் 5 நாட்களாக உயிருக்குப் போராடி வந்த நிலையில், சிகிச்சை பலனின்றி பரிதாபமாக உயிரிழந்தார். இந்தத் துயரச் சம்பவத்தால் அதிர்ச்சியடைந்துள்ள அவரது குடும்பத்தினர், குற்றவாளியான கணவர் மீது மிகக் கடுமையான சட்ட நடவடிக்கை எடுத்து தங்களுக்கு உரிய நீதி வழங்க வேண்டும் என்று அதிகாரிகளுக்குக் கண்ணீருடன் கோரிக்கை விடுத்துள்ளனர். இச்சம்பவம் குறித்து வழக்குப் பதிவு செய்துள்ள காவல்துறையினர் தீவிர விசாரணை நடத்தி வருகின்றனர்.