“ஐயோ பாவம்… மகனின் உடலை மீட்கச் சென்ற தந்தை..” மறைந்திருந்து தாக்கிய இஸ்ரேலிய ‘ஸ்னைப்பர்’.. உலகையே உலுக்கிய அந்த 2 நிமிட திகில் வீடியோ..!!

இஸ்ரேலியப் படைகளால் சுட்டுக் கொல்லப்பட்ட தனது மகனின் உடலை மீட்பதற்காகச் சென்ற பாலஸ்தீனத் தந்தை ஒருவர், இஸ்ரேலிய மறைந்திருந்து தாக்கும் துப்பாக்கி சுடும் வீரரால் சுட்டுக் கொல்லப்பட்ட நெஞ்சை உலுக்கும் கொடூரச் சம்பவம் அரங்கேறியுள்ளது. காசாவில் நடந்த இந்த அத்துமீறல் மற்றும் கொடூரத்தை அங்கு களத்தில் இருந்த ஹசன் சாலிஹ் என்ற பத்திரிகையாளர் தனது கேமராவில் ஆவணப்படுத்தியிருந்தார். இஸ்ரேலியப் படைகளின் இந்தத் தாக்குதல் மற்றும் அப்பாவித் தந்தை கொல்லப்பட்ட வீடியோ காட்சிகள் உலகளவில் பெரும் அதிர்ச்சியை ஏற்படுத்தின.

இதேபோன்று காசாவில் தொடர்ந்து அரங்கேறி வந்த கொடூரங்களை உலகிற்கு வெளிச்சம் போட்டுக் காட்டி வந்த பத்திரிகையாளர் ஹசன் சாலிஹ், பின்னர் மே 13, 2025 அன்று காசாவில் செய்தி சேகரிப்பில் ஈடுபட்டிருந்தபோது இஸ்ரேலியப் படைகளால் கொல்லப்பட்டார். கொல்லப்பட்ட மகனின் உடலை எடுக்கச் சென்ற தந்தையும், அதனைப் படம் பிடித்த துணிச்சலான பத்திரிகையாளரும் இஸ்ரேலியத் தாக்குதலுக்குப் பலியான இந்தச் சம்பவம் பாலஸ்தீன மக்களின் மீதான போர் அத்துமீறல்களுக்குப் சாட்சியாக அமைந்து சர்வதேச அளவில் பெரும் கண்டனங்களை எழுப்பியது.