“ஐயோ கடவுளே.. பூட்டிய அறைக்குள் நடந்த ரத்த சரித்திரம்..” பெற்ற பிள்ளைகளையே துடிக்க துடிக்க கொன்றுவிட்டு.. தாய் எடுத்த விபரீத முடிவு.. நெஞ்சை உலுக்கும் சோக சம்பவம்..!!

ராஜஸ்தான் மாநிலம் ஆல்வார் மாவட்டம் கெர்லி அடுத்த தாந்தியா கிராமத்தில், உஷா சர்மா (27) என்ற தாய், தனது இரு சிறு குழந்தைகளைக் கத்தரிக்கோலால் குத்திக் கொலை செய்துவிட்டுத் தானும் தற்கொலை செய்துகொண்ட கொடூரச் சம்பவம் பெரும் அதிர்ச்சியை ஏற்படுத்தியுள்ளது. சிறுமி விளையாடுவதற்காக வெளியே செல்வது தொடர்பாக வீட்டில் ஏற்பட்ட ஒரு சாதாரண வாக்குவாதமே இந்த விபரீத முடிவுக்குக் காரணமாகக் கூறப்படுகிறது. இதனால் ஆத்திரமடைந்த உஷா, தனது இரு குழந்தைகளையும் ஒரு அறைக்குள் அழைத்துச் சென்று கதவைப் பூட்டிவிட்டு, கத்தரிக்கோலால் இருவரையும் கொடூரமாகக் குத்தியதுடன், தன் உடலிலும் கடுமையான காயங்களை ஏற்படுத்திக் கொண்டுள்ளார்.

அறையிலிருந்து வந்த அலறல் சத்தத்தைக் கேட்டு அக்கம் பக்கத்தினரும் கிராம மக்களும் ஓடிவந்து கதவை உடைத்து உள்ளே நுழைந்தனர். அதே நேரத்தில் வீட்டிற்கு வந்த உஷாவின் தங்கை மனிஷா, இரத்த வெள்ளத்தில் கிடந்த உடல்களைப் பார்த்து அதிர்ச்சியடைந்து தனது தலையைச் சுவரில் முட்டிக் காயம் ஏற்படுத்திக் கொண்டார். பாதிக்கப்பட்ட நான்கு பேரும் உடனடியாகக் கெர்லி துணை மாவட்ட மருத்துவமனைக்குக் கொண்டு செல்லப்பட்டனர். அங்கு உஷாவின் இளம் மகன் முகுல் ஏற்கனவே இறந்துவிட்டதாக மருத்துவர்கள் அறிவித்தனர்; பின்னர் உஷா, அவரது மகள் மற்றும் தங்கை மனிஷா ஆகிய மூவரும் சிகிச்சை பலனின்றி உயிரிழந்தனர். உள்ளூர் போலீசார் சம்பவ இடத்தைப் பார்வையிட்டு இந்தத் துயரச் சம்பவம் குறித்து தீவிர விசாரணை நடத்தி வருகின்றனர்