“பணக்காரர்களின் அரசியலுக்கு சாவுமணி..” டிரம்ப்பை அலறவிட்ட ஜோஹ்ரான் மம்தானி..! அமெரிக்காவில் வெடித்த ‘ப்ளூ வேவ்’ அரசியல் புரட்சி..!!

அமெரிக்க இடைக்காலத் தேர்தலில் ஜனநாயகக் கட்சி பெற்ற வரலாற்று சிறப்புமிக்க வெற்றியானது, சாதாரண மக்களின் தேவைகளைப் புறக்கணித்த பெருநிறுவன அரசியலுக்கு ஒரு சக்திவாய்ந்த அடியாகும் என்று நியூயார்க் நகர மேயர் ஜோஹ்ரான் மம்தானி தெரிவித்துள்ளார். அமெரிக்க இடைக்காலத் தேர்தலில் அதிபர் டிரம்ப்பின் குடியரசுக் கட்சியைத் தோற்கடித்து நாடாளுமன்றத்தின் இரு அவைகளிலும் ஜனநாயகக் கட்சி பெரும்பான்மையைப் பெற்றுள்ள நிலையில், இந்த வெற்றி குறித்து அவர் தனது கருத்தைப் பதிவிட்டுள்ளார்.

செய்தியாளர் சந்திப்பில் பேசிய மம்தானி, பிரதிநிதிகள் சபை மற்றும் செனட் சபையில் ஜனநாயகக் கட்சியினர் பெற்ற மாபெரும் வெற்றி, அதிபர் டொனால்ட் டிரம்பின் கொள்கைகள் மற்றும் குடியரசுக் கட்சியின் மக்கள் விரோத நிலைப்பாடுகளுக்கு எதிரான ஒரு தீர்க்கமான தீர்ப்பு என்று கூறினார். கோடீஸ்வரர்களை வழிபடும் கார்ப்பரேட் அரசியலுக்கு ‘ப்ளூ வேவ்’ ஒரு பேரிடியாகும் என்றும், நாட்டின் பல்வேறு பகுதிகளில் உருவாகியுள்ள இந்த அரசியல் இயக்கம் அமெரிக்கா முழுவதிலும் உள்ள சாதாரண மக்களுக்குக் கிடைத்த வெற்றி என்றும் குறிப்பிட்டார்.

கோடீஸ்வரர்கள் கேட்பதையெல்லாம் செய்துவிட்டு, உழைக்கும் மக்களின் அடிப்படைத் தேவைகள் நடைமுறைக்குச் சாத்தியமில்லை என்று கூறிய அரசியல்வாதிகளுக்கு எதிரான ஒரு பொது வாக்கெடுப்பே இந்தத் தேர்தல் என்று அவர் தெரிவித்தார். மேலும், கோடீஸ்வரர்களின் பணத்திற்கு அடிபணியும் அரசியல்வாதிகளைக் கண்டு அமெரிக்க மக்கள் சோர்வடைந்துவிட்டதாகவும், வாழ்க்கைச் செலவைக் குறைப்பதற்கும் சாமானிய மக்களை ஒருபோதும் கைவிடாமல் இருப்பதற்கும் அடுத்த தலைமுறை உடனடியாகப் பொறுப்பேற்க வேண்டும் என்றும் மம்தானி வலியுறுத்தினார்.