சொந்த ஊருக்குச் சென்றபோது நேர்ந்த விபரீதம்.. டிராக்டருடன் மோதிய கார்.. தந்தை, 7 வயது மகளுக்கு நடந்த கொடூர கதி.. நெஞ்சை உலுக்கும் சோக சம்பவம்..!!

தெலங்கானா மாநிலம் ஹுஸ்னாபாத் மண்டலத்தில் உள்ள பாண்டில்லா பாலத்தைக் கடந்த பிறகு, பவன் சுதா மில் அருகே கார் மற்றும் டிராக்டர் நேருக்கு நேர் மோதி பயங்கர விபத்துக்குள்ளானது. இந்தத் துயரமான விபத்தில் சிக்கி தந்தை பைடிபள்ளி ஸ்ரீகாந்த் (33) மற்றும் அவரது 7 வயது மகள் மகாந்வி ஆகியோர் சம்பவ இடத்திலேயே பரிதாபமாக உயிரிழந்தனர். ஹைதராபாத்தில் கேப் ஓட்டுநராக பணிபுரிந்து வந்த ஸ்ரீகாந்த், தீபாவளி விடுமுறையைக் கொண்டாடுவதற்காகத் தனது குடும்பத்துடன் சொந்த ஊரான கொண்டாப்பூர் கிராமத்திற்குத் தனது காரில் சென்று கொண்டிருந்தபோது இந்த விபரீதம் நிகழ்ந்துள்ளது.

இந்த விபத்தில் ஸ்ரீகாந்தின் மனைவி சுவாதி கடுமையான காயங்களுக்கு உள்ளாகிய நிலையில், அவரது மகன் விஹான் கிரிஷ் லேசான காயங்களுடன் தப்பினார். இவர்கள் இருவரும் உடனடியாக மீட்கப்பட்டு கரீம்நகரில் உள்ள ஒரு தனியார் மருத்துவமனையில் சிகிச்சைக்காக அனுமதிக்கப்பட்டுள்ளனர். விபத்தை ஏற்படுத்திய டிராக்டர் ஓட்டுநரின் கால் உடைந்ததாகத் தகவல்கள் தெரிவிக்கின்றன. ஒரே குடும்பத்தைச் சேர்ந்த தந்தையும் மகளும் விபத்தில் பலியான சம்பவம் கொண்டாப்பூர் கிராம மக்களிடையே பெரும் சோகத்தை ஏற்படுத்தியுள்ளதுடன், அவர்களது உறவினர்கள் கண்ணீர் விட்டு கதறி அழுது வருகின்றனர்.