“உன்னிடம் தனியாகப் பேச வேண்டும்..” இளம்பெண்ணை அழைத்துச் சென்ற இளைஞன்… டிரஸ்ஸிங் ரூமிற்குள் நடத்திய பகீர் வெறிச்செயல்.. குலை நடுங்க வைக்கும் பின்னணி..!!

டெல்லியின் மோதி நகர் பகுதியில் உள்ள ஒரு கடையின் உடை மாற்றும் அறையில் ஷப்னம் என்ற இளம்பெண் கழுத்தறுக்கப்பட்டுப் படுகொலை செய்யப்பட்ட சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது. இந்தக் கொடூரக் கொலைக்கு சூரஜ் என்ற இளைஞர்தான் காரணம் என உயிரிழந்த ஷப்னத்தின் குடும்பத்தினர் பகிரங்கமாகக் குற்றம் சாட்டியுள்ளனர். பட்டப்பகலில் மக்கள் நடமாட்டம் மிகுந்த பகுதியில் உள்ள கடைக்குள் நடந்த இந்தச் சம்பவம் அப்பகுதி மக்களிடையே பெரும் அச்சத்தை உருவாக்கியுள்ளது.

ஷப்னத்தின் உறவினர்கள் அளித்துள்ள தகவலின்படி, குற்றம் சாட்டப்பட்ட சூரஜ் ஏற்கனவே திட்டமிட்டு கூர்மையான ஆயுதத்துடன் அந்தக் கடைக்கு வந்துள்ளார். பின்னர், ஷப்னத்திடம் தனியாகப் பேச வேண்டும் என்று ஆசை வார்த்தை கூறி, அவரைக் கடையின் உடை மாற்றும் அறைக்குள் அழைத்துச் சென்றுள்ளார். அங்கு வைத்து ஷப்னத்தின் கழுத்தைக் கூர்மையான ஆயுதத்தால் அறுத்துக் கொலை செய்துவிட்டு, அங்கிருந்து தப்பி ஓடியதாக உறவினர்கள் தெரிவித்துள்ளனர். இச்சம்பவம் குறித்து வழக்குப் பதிவு செய்துள்ள டெல்லி காவல்துறையினர், தப்பி ஓடிய குற்றவாளியைத் தீவிரமாகத் தேடி வருகின்றனர்.