என்னப்பா இது சீட்டுக்கட்டு மாதிரி சரியுது…? கண்ணிமைக்கிற நேரத்துல இடிஞ்சு விழுந்த 120 வருஷத்துக் கட்டிடம்… நெஞ்சை பதற வைக்கும் வைரல் வீடியோ…!!

உத்தரப் பிரதேச மாநிலம் ஆக்ராவில் கடந்த சில நாட்களாகத் தொடர்ந்து பெய்து வரும் கனமழை காரணமாக, பழைய மற்றும் பழுதடைந்த கட்டிடங்கள் இடியத் தொடங்கியுள்ளன. வெள்ளிக்கிழமையன்று சாத்தா காவல் எல்லைக்குட்பட்ட பரபரப்பான பெலன்கஞ்ச் சந்தைப் பகுதியில் சுமார் 120 ஆண்டுகள் பழமையான இரண்டு மாடி கட்டிடம் திடீரெனச் சீட்டுக்கட்டு போலச் சரிந்து விழுந்தது. கட்டிடம் இடிந்து விழுந்ததில் அப்பகுதியில் பெரும் பரபரப்பும் அச்சமும் ஏற்பட்டது, இருப்பினும் நல்வாய்ப்பாக இந்த விபத்தில் எந்தவித உயிர்ச்சேதமும் ஏற்படாமல் பெரும் அசம்பாவிதம் தவிர்க்கப்பட்டது.

உள்ளூர்வாசிகளின் கூற்றுப்படி, பெலன்கஞ்சில் அமைந்துள்ள இந்த பழுதடைந்த வீடு சந்தீப் ஜெயின் என்பவருக்குச் சொந்தமானது. இது நீண்ட காலமாகப் பயன்பாடின்றி காலியாகவே கிடந்துள்ளது. தொடர் மழை காரணமாக வீட்டின் சுவர்களும் அஸ்திவாரமும் பலவீனமடைந்து, திடீரென வீட்டின் முன்பகுதி சாலையை நோக்கி இடிந்து விழுந்தது. விபத்து நடந்த நேரத்தில் அந்த வழியில் பாதசாரிகள் யாரும் செல்லாததால் பெரிய அளவிலான பாதிப்புகள் தவிர்க்கப்பட்டன. எனினும், வீட்டின் வெளியே நிறுத்தப்பட்டிருந்த ஒரு இருசக்கர வாகனம் இடிபாடுகளுக்குள் சிக்கி பலத்த சேதமடைந்தது. கட்டிடம் இடிந்து விழும் பயங்கரக் காட்சிகள் அருகில் இருந்த சிசிடிவி கேமராவிலும் மக்களின் மொபைல் போன்களிலும் பதிவாகி, தற்போது சமூக வலைதளங்களில் வேகமாகப் பரவி வருகின்றன.

https://www.instagram.com/reel/DbxbyhPSaTp/?utm_source=ig_web_button_share_sheet

கட்டிடம் இடிந்து விழுந்த தகவல் அறிந்ததும் உள்ளூர் போலீசாரும் மாநகராட்சி அதிகாரிகளும் உடனடியாகச் சம்பவ இடத்திற்கு விரைந்தனர். பாதுகாப்பு கருதி, பரபரப்பான பெலன்கஞ்ச் சந்தை வழியிலான போக்குவரத்தைப் போலீசார் மாற்றி அமைத்தனர். போக்குவரத்தைச் சீரமைக்கும் வகையில் சாலையில் சிதறிக் கிடந்த இடிபாடுகளை ஜேசிபி இயந்திரத்தின் உதவியோடு மாநகராட்சிக் குழுவினர் அகற்றும் பணியில் ஈடுபட்டனர். மேலும், அப்பகுதியில் உள்ள பிற பழுதடைந்த பழைய கட்டிடங்கள் குறித்தும் எச்சரிக்கையுடன் இருக்குமாறு நிர்வாகம் அறிவுறுத்தியுள்ளது.