“அய்யோ என்ன ஆச்சு..?” வழக்கம்போல் ஜிம்மில் வொர்க்அவுட்… அடுத்த சில நொடிகளிலேயே நேர்ந்த விபரீதம்..! நெஞ்சை பதறவைக்கும் திகிலூட்டும் சிசிடிவி காட்சி..!!

அசாம் மாநிலத்தில் ஜிம்மில் உடற்பயிற்சி செய்து கொண்டிருந்த மருத்துவர் ஒருவர், திடீரென மாரடைப்பு ஏற்பட்டு உயிரிழந்த சோக சம்பவம் நடந்துள்ளது. உயிரிழந்தவர் டாக்டர் சாஹின் ரஹ்மான் என அடையாளம் காணப்பட்டுள்ளார். இவர் அசாமில் உள்ள நகோன் மருத்துவக் கல்லூரி மற்றும் மருத்துவமனையின் சமூக மருத்துவத் துறையில் இணைப் பேராசிரியராகப் பணியாற்றி வந்தார். இந்த திடுக்கிடும் சம்பவம் அங்கிருந்த சிசிடிவி கேமராவில் பதிவாகி இணையத்தில் வைரலாகி வருகிறது.

அறிக்கைகளின்படி, மாலை 7:36 மணியளவில் ஜிம்மில் வழக்கம்போல உடற்பயிற்சி செய்துகொண்டிருந்த டாக்டர் ரஹ்மானுக்கு ஆரம்பத்தில் எந்தவித அசௌகரியமும் தெரிந்திருக்கவில்லை. ஆனால், சில பயிற்சிகளைச் செய்த பிறகு, அவரது இயக்கம் மெதுவாகி, திடீரென சுயநினைவை இழந்து முகம்கீழாகத் தரையில் விழுந்துள்ளார். இதைப் பார்த்த அருகில் இருந்தவர்கள் உடனடியாக அவரை மீட்டு மருத்துவமனைக்குக் கொண்டு சென்றனர். ஆனால், அவரைப் பரிசோதித்த மருத்துவர்கள் அவர் ஏற்கனவே இறந்துவிட்டதாக அறிவித்தனர்.

டாக்டர் ரஹ்மானின் உயிரிழப்பிற்கான துல்லியமான காரணம் இன்னும் உறுதி செய்யப்படவில்லை என்றாலும், இது இதயம் தொடர்பான கோளாறு அல்லது மாரடைப்பினால் தான் நிகழ்ந்திருக்கும் எனப் பெரிதும் நம்பப்படுகிறது. இச்சம்பவம் குறித்து காவல்துறையினர் விசாரணை நடத்தி வருகின்றனர். உடற்பயிற்சி உடலுக்கு நன்மைகளைத் தந்தாலும், அதிகப்படியான உடல் ரீதியான சிரமத்தின் போது இரத்த ஓட்டம் குறைவதினாலும் இதுபோன்ற அரிதான சம்பவங்கள் நிகழக்கூடும் எனக் கூறப்படுகிறது.