நொடிப் பொழுதில் மரண பயம்.. போதை ஆசாமியின் அசுர வேக கார்.. அடுத்த நொடியே நேர்ந்த விபரீதம்.. பதறவைக்கும் வீடியோ..!!

உத்தரப் பிரதேச மாநிலம் மீரட்டில், போதை ஆசாமியால் அசுர வேகத்தில் ஓட்டப்பட்ட சொகுசு கார் ஒன்று கட்டுப்பாட்டை இழந்து தலைகீழாகக் கவிழ்ந்து பயங்கர விபத்துக்குள்ளானது. இந்த விபத்தின்போது, அந்தப் பகுதியில் உள்ள ஒரு வீட்டின் முன்பாக நிறுத்தப்பட்டிருந்த பள்ளி ஆசிரியர் ஒருவரின் காரின் மீது கட்டுப்பாட்டை இழந்த கார் மிகக் கொடூரமாக மோதியது. மோதிய வேகத்தில் கார் தலைகீழாகக் கவிழ்ந்ததால், அதனை ஓட்டி வந்த போதை ஓட்டுநர் காரின் உட்புறத்திலேயே தவிப்புடன் மாட்டிக்கொண்டார்.

விபத்து நடந்த சத்தம் கேட்டுச் சம்பவ இடத்தில் உடனடியாகத் திரண்ட உள்ளூர் மக்கள், தலைகீழாகக் கவிழ்ந்து கிடந்த காரை ஒன்றுசேர்ந்து நிமிர்த்தி, உள்ளே சிக்கியிருந்த ஓட்டுநரை பத்திரமாக மீட்டனர். அதிர்ஷ்டவசமாக இந்த பயங்கர விபத்தின் போது வீட்டின் வெளியிலோ அல்லது சாலையிலோ பொதுமக்கள் யாரும் இல்லாததால் மாபெரும் உயிர்ச்சேதம் நல்வாய்ப்பாகத் தவிர்க்கப்பட்டுள்ளது. விபத்தை ஏற்படுத்திய ஓட்டுநர் கடுமையான போதையில் இருந்தது உறுதி செய்யப்பட்டதை அடுத்து, சம்பவ இடத்திற்கு விரைந்து வந்த காவல்துறையினர் அவரைக் கைது செய்து தீவிர விசாரணை மேற்கொண்டு வருகின்றனர்.