நெஞ்சே நடுங்குது.. அசுர வேகத்தில் வந்த இரண்டு பைக்குகள்.. அடுத்த சில நொடிகளில் நேர்ந்த கொடூரம்.. சம்பவ இடத்தில் துடிதுடித்த 3 வாலிபர்கள்.. நெஞ்சை உலுக்கும் சோக சம்பவம்..!!

உத்தரப் பிரதேச மாநிலம் அமேதி மாவட்டத்தின் கௌரிகஞ்ச் பகுதியில், இரண்டு மோட்டார் சைக்கிள்கள் நேருக்கு நேர் மோதிக்கொண்ட பயங்கர சாலை விபத்தில் மூன்று இளைஞர்கள் பரிதாபமாக உயிரிழந்துள்ளனர். பானி ரயில் நிலையம் அருகே உள்ள நெடுஞ்சாலையில் இந்த கொடூரச் சம்பவம் நிகழ்ந்துள்ளது. அசுர வேகத்தில் வந்த இரண்டு பைக்குகளும் எதிர்பாராதவிதமாக ஒன்றோடொன்று நேருக்கு நேர் மிகக் கொடூரமாக மோதியதில், பைக்குகளில் பயணித்த இளைஞர்கள் தூக்கி வீசப்பட்டு சம்பவ இடத்திலேயே ரத்த வெள்ளத்தில் துடிதுடித்து உயிரிழந்தனர்.

விபத்து குறித்து தகவலறிந்து சம்பவ இடத்திற்கு விரைந்து வந்த கௌரிகஞ்ச் காவல் துறையினர், உயிரிழந்தவர்களின் உடல்களைக் கைப்பற்றி பிரேதப் பரிசோதனைக்காக மாவட்ட மருத்துவமனைக்கு அனுப்பி வைத்தனர். இந்த விபத்து தொடர்பாக வழக்குப் பதிவு செய்துள்ள போலீசார், உயிரிழந்த இளைஞர்களின் அடையாளங்களை அவர்களின் குடும்பத்தினருக்குத் தெரிவித்து, அடுத்தகட்ட சட்டப்பூர்வமான நடவடிக்கைகளைத் தீவிரமாக மேற்கொண்டு வருகின்றனர். அதிவேகப் பயணமே இந்த மாபெரும் துயரத்திற்கு முக்கியக் காரணம் என்று முதற்கட்ட விசாரணையில் தெரியவந்துள்ளது.