ஐயோ பாவம்… உயிரைக் காப்பாற்ற கம்பத்தில் ஏறிய தவளை… விடாமல் துரத்தி வேட்டையாடிய பாம்பு…! கிளைமாக்ஸைப் பார்த்து அதிர்ந்த இணையவாசிகள்..!!

சமூக வலைத்தளங்களில் விலங்குகள் தொடர்பான வீடியோக்கள் அடிக்கடி மக்கள் கவனத்தை ஈர்ப்பது வழக்கம். அந்த வகையில், தற்போது இணையத்தில் வைரலாகி வரும் ஒரு அதிர்ச்சி வீடியோவில், பாம்பிடமிருந்து தன் உயிரைக் காப்பாற்றிக் கொள்ள ஒரு தவளை போராடும் காட்சி இடம்பெற்றுள்ளது. ஒரு திறந்தவெளிப் பகுதியில் பாம்பு ஒன்று தவளையை வேட்டையாடத் துரத்த, ஆபத்தை உணர்ந்த தவளை தன் உயிரைக் காத்துக் கொள்ள வேகமாகத் தப்பித்து ஓடிக் குதிக்கிறது.

பாம்பும் தவளையை விடாமல் துரத்தவே, தப்பிக்க வழி தேடிய தவளைக்கு அருகில் ஒரு இரும்புக் கம்பம் தெரிகிறது. அக்கம்பத்தின் மீது ஏறிவிட்டால் பாம்பிடமிருந்து தப்பிவிடலாம் என்று நினைத்து, தவளை வேகமாக மேலே ஏறிச் சென்று அதிக உயரத்தில் ஒளிந்து கொள்கிறது. ஆனால், வேட்டையாடும் பாம்பு பின்வாங்காமல், வழுவழுப்பான அந்த இரும்புக் கம்பத்தைச் சுற்றிக் கொண்டு மிகச் சுலபமாக மேலே ஏறத் தொடங்குகிறது.

https://www.instagram.com/reel/DbwfkOFPAtm/?utm_source=ig_web_button_share_sheet

சில வினாடிகளிலேயே பாம்பு தவளை இருந்த இடத்தைச் சென்றடைந்து, அதை நொடிப்பொழுதில் கவ்விப் பிடித்துக் கீழே இழுத்து வந்து வேட்டையாடுகிறது. வழுவழுப்பான செங்குத்தான கம்பத்தில் பாம்பு அவ்வளவு வேகமாக ஏறித் தவளையைப் பிடித்ததைக் கண்டு சமூக வலைத்தளப் பயனர்கள் பெரும் வியப்பில் ஆழ்ந்துள்ளனர். இயற்கை மற்றும் உயிரினங்களின் இந்த எதிர்பாராத வேட்டைக்காட்சி தற்போது இணையத்தில் வைரலாகி வருகிறது.