“மாசம் 9.8 லட்ச ரூபாயா..?” இதுக்கு நம்ம நாட்டிலேயே இருக்கலாமே… சீனாவில் வாழும் இந்தியப் பெண் வெளியிட்ட ஷாக்கிங் செலவுப் பட்டியல்.. ஷாக் ஆன நெட்டிசன்கள்..!!

வெளிநாடுகளில் குடியேறுவது பலரின் கனவாக உள்ளது, மேலும் ஆசிய நாடுகளில் வாழ்வது மேலை நாடுகளை விடக் குறைவான செலவு கொண்டது என்ற பொதுவான எண்ணம் நிலவுகிறது. ஆனால், சீனாவின் முக்கிய நிதி மையமான ஷாங்காய் நகரில் குடும்பத்துடன் வசித்து வரும் அதிதி சர்மா என்ற இந்திய கன்டென்ட் கிரியேட்டர் வெளியிட்ட இன்ஸ்டாகிராம் வீடியோ இந்த எண்ணத்தை மாற்றியமைத்துள்ளது. தனது 4 பேர்கொண்ட குடும்பத்தின் மாதாந்திரச் செலவு வாடகை உட்பட 25,000 யுவானைத் தாண்டி, இந்திய மதிப்பில் சுமார் ரூ. 9.81 லட்சத்தை எட்டுவதாக அவர் கூறியுள்ளது அனைவரையும் அதிர்ச்சியடைய வைத்துள்ளது.

இவரது குடும்ப பட்ஜெட்டில் மிகப்பெரிய பங்கைக் கைப்பற்றுவது வீட்டின் வாடகையும் குழந்தைகளின் கல்வியும்தான். ஷாங்காயின் மையப்பகுதியில் உள்ள வீட்டின் மாத வாடகை 25,000 யுவான் மற்றும் இரு குழந்தைகளின் சர்வதேசப் பள்ளி கட்டணம் ரூ.3.5 லட்சம் என இவ்விரண்டிற்கு மட்டுமே மாதத்திற்கு ரூ.7 லட்சம் செலவாகிறது. இதுதவிர, வீட்டு உதவிப் பணியாளர்களுக்கு ரூ.1 லட்சத்திற்கு மேலும், மளிகைப் பொருட்களுக்கு சுமார் ரூ.71,000, மின்சாரம் மற்றும் இதர பயன்பாடுகளுக்கு ரூ.21,230 மற்றும் பொதுப் போக்குவரத்துச் செலவுக்கு ரூ.10,000 வரை செலவாகிறது.

https://www.instagram.com/reel/DcBW087IRwZ/?utm_source=ig_web_button_share_sheet

அத்தியாவசியச் தேவைகள் தவிர்த்து, குழந்தைகளின் கூடுதல் பாடத்திட்டச் செயல்பாடுகள் மற்றும் வார இறுதி பொழுதுபோக்கிற்கு ரூ.21,230 மற்றும் உணவகம், ஷாப்பிங் போன்றவற்றிற்கு ரூ.56,650 வரை செலவிடப்படுகிறது. சமூக வலைத்தளங்களில் எழுந்த கேள்விகளுக்கு பதிலளித்த அதிதி சர்மா, இந்தச் செலவு ஷாங்காயில் வாழும் அனைவருக்கும் பொருந்தாது என்றும், இது தங்களது தனிப்பட்ட வாழ்க்கை முறை, விருப்பங்கள் மற்றும் வசிக்கும் இடத்தைச் சார்ந்தது என்றும் தெளிவுபடுத்தியுள்ளார். மேலும், தங்களுக்கு நிறுவனத்திலிருந்து தனிப்பயப்பீடுகள் எதுவும் வழங்கப்படவில்லை என்றாலும், மருத்துவக் காப்பீடு 100% செலவுகளைக் கவர் செய்வதாகவும் தெரிவித்துள்ளார்.