அடிப்பாவி.. பக்தை வேடத்தில் வந்த பகல் கொள்ளைக்காரி.. கருவறையிலேயே கைவரிசை காட்டிய பெண்… நெட்டிசன்களை அதிரவைத்த வீடியோ..!!

உத்தரப் பிரதேச மாநிலம் லக்னோவில் உள்ள சாதத்கஞ்ச் சதுர்தாம் கோவிலில், பட்டப்பகலில் பக்தை போல வேடமிட்டு வந்த பெண் ஒருவர் அன்னை லட்சுமி சிலையின் வெள்ளிக் குடை மற்றும் மூக்குத்தியைத் தந்திரமாகத் திருடிச் சென்ற துணிகரச் சம்பவம் பெரும் பரபரப்பை ஏற்படுத்தியுள்ளது. கோவிலுக்குள் சாமி கும்பிடுவது போல நுழைந்த அந்தப் பெண், கருவறை அருகே யாரும் இல்லாத நேரத்தைப் பயன்படுத்தி லட்சுமி தேவியின் சிலையில் இருந்த வெள்ளி ஆபரணங்களைக் கழற்றித் தனது ஆடைக்குள் மறைத்துக்கொண்டு நைசாக வெளியேறியுள்ளார். இந்தத் திருட்டுச் சம்பவம் அங்கிருந்த சிசிடிவி கேமராவில் துல்லியமாகப் பதிவாகியுள்ளது.

கோவில் நிர்வாகத்தினர் வழக்கமான பூஜையின் போது நகைகள் மாயமாகியிருப்பதைக் கண்டு அதிர்ச்சியடைந்து, உடனடியாகச் சிசிடிவி காட்சிகளை ஆய்வு செய்தபோதுதான் அந்தப் பெண்ணின் கைவரிசை வெளிச்சத்திற்கு வந்தது. இந்தச் சிசிடிவி காட்சிகள் தற்போது சமூக ஊடகங்களில் வெளியாகி வைரலாகி வரும் நிலையில், கோவில் தரப்பில் போலீசாரிடம் அதிகாரப்பூர்வமாகப் புகார் அளிக்கப்பட்டுள்ளது. இந்த ஆதாரங்களின் அடிப்படையில் சாதத்கஞ்ச் போலீசார் வழக்குப் பதிவு செய்து, பக்தி வேடத்தில் வந்து திருடிச் சென்ற அந்த மர்மப் பெண்ணைத் தீவிரமாகத் தேடி வருகின்றனர்.