“இது என்ன கொடுமை..” குடும்பத் தகராறில் 11 மாதக் குழந்தைக்கு நேர்ந்த கொடூரம்.. பக்கத்து வீட்டுப் பெண் செய்த வெறிச்செயல்.. நெஞ்சை உலுக்கும் சம்பவம்.!!

உத்தரப் பிரதேச மாநிலம் ஷ்ரவஸ்தி மாவட்டத்தில் ஏற்பட்ட ஒரு சாதாரண குடும்பத் தகராறில், 11 மாதக் குழந்தைக்கு நேர்ந்த கொடூரம் மக்கள் மத்தியில் பெரும் அதிர்ச்சியை ஏற்படுத்தியுள்ளது. நவீன் மாடர்ன் காவல் நிலைய எல்லைக்குட்பட்ட அகிரன் பூர்வ கிராமத்தில் இரு தரப்பினருக்கு இடையே வாக்குவாதம் ஏற்பட்டுள்ளது. அப்போது ஆத்திரமடைந்த பக்கத்து வீட்டுப் பெண் ஒருவர், எரியும் அடுப்பில் கொதித்துக் கொண்டிருந்த பாலை அந்த 11 மாதக் குழந்தை மீது வீசியதாகக் குற்றம் சாட்டப்பட்டுள்ளது.

சூடான பால் உடல் மீது விழுந்ததால் அந்தக் குழந்தை படுகாயமடைந்து, வலியால் துடித்துக் கதறியுள்ளது. உடனடியாகக் குழந்தையின் பெற்றோர் பதறியடித்தபடி குழந்தையை மீட்டு இகௌனா ஆரம்பச் சுகாதார நிலையத்திற்குச் சிகிச்சைக்காக அனுமதித்துள்ளனர். அங்குள்ள மருத்துவர்கள் குழந்தைக்குத் தீவிர சிகிச்சை அளித்து வருகின்றனர். இந்தச் சம்பவம் குறித்துக் காவல் துறையினருக்குத் தகவல் தெரிவிக்கப்பட்டுள்ளதை அடுத்து, வழக்குப் பதிவு செய்த போலீசார் தாக்குதலுக்கான உண்மையான காரணம் குறித்துத் தீவிர விசாரணை நடத்தி வருகின்றனர்.