“அத்தை கொடுத்த நிலம் எனக்குத்தான்..” நள்ளிரவில் கூர்மையான அரிவாளால் புகுந்த மருமகன்.. ரத்த வெள்ளத்தில் சரிந்த மாமா.. நடுங்க வைக்கும் சம்பவம்..!!

பீகார் மாநிலம் பாகல்பூரில் நிலத்தகராறு காரணமாக, நபர் ஒருவர் தனது உறவினரைத் தாக்கிய அதிர்ச்சிகரமான சம்பவம் அரங்கேறியுள்ளது. பாகல்பூர் நாத்நகர் காவல் நிலைய எல்லைக்குட்பட்ட சுஜாபூர் அனுமன் கோவில் அருகில் இந்தச் சம்பவம் நடந்துள்ளது. பாதிக்கப்பட்ட அஷுதோஷ் கோஷ் தனது அறையில் இரவு உணவு சாப்பிட்டுக் கொண்டிருந்தபோது, அவரது உறவினரான ரஜ்னீஷ் ஆனந்த் என்பவர், தனது குடும்பத்தினருடன் வீட்டிற்குள் நுழைந்து இந்தத் தாக்குதலில் ஈடுபட்டுள்ளார்.

மறைந்த அத்தை மீரா கோஷின் நிலத்தை வலுக்கட்டாயமாகக் கைப்பற்றுவதற்காக ரஜ்னீஷ் ஆனந்த் இந்தத் தாக்குதலை நடத்தியதாகக் கூறப்படுகிறது. அந்த நிலத்தை மீரா கோஷ் உயிருடன் இருந்தபோதே பூஜா குமாரி என்பவருக்கு முறைப்படி தானமாக வழங்கியிருந்தார். ஆனால், அத்தையின் மறைவுக்குப் பிறகு ரஜ்னீஷ் ஆனந்த் தனது குடும்பத்துடன் இந்த வீட்டில் குடிபுகுந்ததுடன், நிலத்தைத் தனக்குத் தருமாறு மிரட்டி வந்துள்ளார்.

சம்பவத்தன்று ஏற்பட்ட மோதலில், ரஜ்னீஷ் ஆனந்த் கூர்மையான ஆயுதத்தால் அஷுதோஷ் கோஷைத் தாக்கியதில் அவருக்குப் பலத்த காயம் ஏற்பட்டது. இந்தச் சம்பவத்தைத் தொடர்ந்து, பாதிக்கப்பட்ட பூஜா குமாரி காவல் நிலையத்தில் புகார் அளித்தார். நாத்நகர் காவல் ஆய்வாளர் பர்மேஷ்வர் சாஹ்னி தலைமையிலான போலீசார் வழக்குப் பதிவு செய்து, குற்றம் சாட்டப்பட்ட ரஜ்னீஷ் ஆனந்தைக் கைது செய்துள்ளனர். காயமடைந்த அஷுதோஷ் கோஷ் சிகிச்சைக்காக மருத்துவமனைக்கு அனுப்பப்பட்டுள்ள நிலையில், அடுத்தகட்ட சட்ட நடவடிக்கைகள் மேற்கொள்ளப்பட்டு வருகின்றன.