“அப்பா பணத்த நீங்களே வச்சுக்கோங்கப்பா… நான் அம்மாட்ட போறேன்…” தந்தையின் துப்பாக்கியால் சுட்டுக்கொண்டு பி.ஏ. மாணவர்… மொபைலில் சிக்கிய பகீர் வீடியோ..!!

உத்தரப் பிரதேசம் மாநிலம் ஜான்சி பகுதியில், பி.ஏ. படித்து வந்த 19 வயது மாணவர் லவ் படேல், தனது தந்தையின் உரிமம் பெற்ற துப்பாக்கியால் சுட்டுக்கொண்டு தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது. குர்சாராய் காவல் நிலைய எல்லைக்குட்பட்ட பகுதியில் நடைபெற்ற இச்சம்பவத்தின் போது அவர் வீட்டில் தனியாக இருந்துள்ளார். வீட்டிற்குள் இருந்து திடீரென துப்பாக்கிச் சத்தம் கேட்டதை அடுத்து, அக்கம் பக்கத்தினர் ஓடிவந்து பார்த்துவிட்டு அவரது தந்தைக்குத் தகவல் அளித்துள்ளனர். உடனடியாக குடும்பத்தினர் அவரை மருத்துவமனைக்குக் கொண்டு சென்ற போதிலும், மருத்துவர்கள் அவர் ஏற்கனவே இறந்துவிட்டதாகத் தெரிவித்தனர்.

தற்கொலைக்கு முன்பு மாணவர் தனது மொபைல் போனில் பதிவு செய்துள்ள ஒரு வீடியோ வெளியாகி போலீசாரை சோகத்தில் ஆழ்த்தியுள்ளது. அந்த வீடியோவில் அவர் தனது தந்தையிடம் மிகவும் உணர்ச்சிவசப்பட்டு, “பாப்பா, பணத்தை நீங்களே வச்சுக்கோங்க, இப்போ நான் அம்மாட்ட போறேன்” என்று கூறுவது பதிவாகியுள்ளது. மேலும், தனது இந்த முடிவுக்கு குடும்பத்தினரோ, நண்பர்களோ அல்லது உறவினர்களோ யாரும் பொறுப்பல்ல என்றும் அவர் அந்த வீடியோவில் குறிப்பிட்டுள்ளார்.

லவ் படேலின் தந்தை முன்னா லால் படேல், ஓய்வுபெற்ற கிராம வளர்ச்சி அதிகாரியாவார். கடந்த சில நாட்களாக தனது மகன் மன அழுத்தத்தால் அவதிப்பட்டு வந்ததாகவும், அவருக்கு இரவில் சரியாகத் தூக்கம் வராததால் அதற்கான மருந்துகளை உட்கொண்டு வந்ததாகவும் அவர் காவல்துறையிடம் தெரிவித்துள்ளார். இதற்கிடையே, கடந்த 2009 ஆம் ஆண்டில் லவ் படேலின் தாயும் தீக்குளித்து தற்கொலை செய்து கொண்டது குறிப்பிடத்தக்கது. தற்போது இச்சம்பவம் குறித்து போலீசார் வழக்குப்பதிவு செய்து தீவிர விசாரணை நடத்தி வருகின்றனர்.