தவெக தம்பிகள் கவலைப்படாதீங்க..! இனி எது வந்தாலும் நான் பாத்துக்கிறேன்… வம்புக்கு போகமாட்டோம் வந்த சண்டையை விடமாட்டோம்… சி. விஜயபாஸ்கர் அதிரடி..!!

தமிழக வெற்றிக் கழகத்தின் நிர்வாகிகள் அறிமுகக் கூட்டம் புதுக்கோட்டை மாவட்டம் விராலிமலையில் நடைபெற்றது. இக்கூட்டத்தில் கலந்துகொண்டு பேசிய முன்னாள் அமைச்சர் சி. விஜயபாஸ்கர், கட்சித் தொண்டர்கள் மற்றும் நிர்வாகிகளுக்குத் தைரியம் ஊட்டும் வகையில் பல்வேறு கருத்துகளைப் பகிர்ந்து கொண்டார். சமீபத்தில் அதிமுகவிலிருந்து விலகி தவெகவில் இணைந்த அவர், தனது தொகுதி நிர்வாகிகளை வழிநடத்தும் நோக்கில் இந்த உரையை நிகழ்த்தியுள்ளார்.

அறிமுகக் கூட்டத்தில் பேசிய சி. விஜயபாஸ்கர், “நாம் எந்த விதமான வம்பு சண்டைக்கும் போவதில்லை; ஆனால் வந்த சண்டையை விடுவதில்லை” என்று அதிரடியாகத் தெரிவித்தார். மேலும், “தவெக அன்புத் தம்பிகள் யாரும் எதற்கும் கவலையடைய வேண்டாம், இனி எது வந்தாலும் நான் பார்த்துக் கொள்கிறேன்” என்று தொண்டர்களுக்குத் தனது முழு ஆதரவையும் பாதுகாப்பு உணர்வையும் வெளிப்படுத்தும் வகையில் உறுதியளித்துப் பேசினார்.