அதிரடி சர்ச்சை..! இடைத்தேர்தல் தொகுதிகளை குறிவைக்கும் முதல்வர் விஜய்.. அரசு செலவில் தவெக-வுக்கு பிரச்சாரமா..? எதிர்க்கட்சிகள் பகீர் குற்றச்சாட்டு..!!

தமிழகத்தில் விரைவில் இடைத்தேர்தல் நடைபெற உள்ள விராலிமலை, பெருந்துறை மற்றும் அம்பாசமுத்திரம் ஆகிய தொகுதிகளுக்கு முதல்வர் விஜய் மேற்கொள்ளவிருக்கும் அரசுப் பயணங்கள் அரசியல் வட்டாரத்தில் பெரும் சர்ச்சையை ஏற்படுத்தியுள்ளன. திருச்சி கிழக்கு, விராலிமலை, பெருந்துறை, அம்பாசமுத்திரம் மற்றும் கரூர் ஆகிய ஐந்து தொகுதிகள் காலியாக உள்ள நிலையில், இந்த இடங்களைக் குறிவைத்து முதல்வர் விஜய் அரசு விழாக்களை நடத்துவதாக எதிர்க்கட்சிகள் குற்றம் சாட்டுகின்றன.

இன்று புதுக்கோட்டை மாவட்டம் செல்லும் முதல்வர் விஜய், அதிமுகவின் பலத்த கோட்டையாகக் கருதப்படும் விராலிமலை தொகுதியில் ரோட்ஷோ நடத்தத் திட்டமிட்டுள்ளார். இதனைத் தொடர்ந்து, நவம்பர் 3-ம் தேதி பெருந்துறையிலும், நவம்பர் 14-ம் தேதி குழந்தைகள் தின விழாவை முன்னிட்டு அம்பாசமுத்திரத்திலும் அவர் பல்வேறு அரசு நிகழ்ச்சிகளில் பங்கேற்க உள்ளார்.

அரசு விழாக்களின் பெயரால் நடத்தப்படும் இந்த ரோட்ஷோக்கள், மக்களின் வரிப்பணத்தைப் பயன்படுத்தி தமிழக வெற்றிக் கழகத்தின் தேர்தல் பிரச்சாரத்திற்காகவே திட்டமிடப்படுவதாக எதிர்க்கட்சியினர் கடுமையாக விமர்சித்து வருகின்றனர். பொதுமக்களைக் கட்டுப்படுத்த அமைக்கப்படும் தடுப்புகள் உட்பட அனைத்து செலவுகளும் அரசு நிதியிலிருந்து செய்யப்படுவதால், இது அரசு செலவில் மேற்கொள்ளப்படும் மறைமுகக் கட்சிப் பிரச்சாரம் என்று அவர்கள் கேள்வி எழுப்பியுள்ளனர்.