CINEMA
மகனுக்காக வழிவிட்ட CM விஜய்… கடைசி நிமிடத்தில் மாறிய ‘திருப்பாச்சி’ ரீரிலீஸ் பிளான்..!!
2005-ஆம் ஆண்டு வெளியான தளபதி விஜய் – த்ரிஷா நடிப்பில் உருவான ‘திருப்பாச்சி’ திரைப்படத்தின் ரீரிலீஸை அதன் விநியோகஸ்தரான திருப்பதி ஃபிலிம்ஸ் நிறுவனம் தள்ளிவைத்துள்ளது. முன்னதாக, இத்திரைப்படம் அக்டோபர் 2-ஆம் தேதி திரையரங்குகளில் மீண்டும் வெளியாகும் என அதிகாரப்பூர்வமாக அறிவிக்கப்பட்டிருந்தது.
அதே அக்டோபர் 2-ஆம் தேதியன்று விஜய்யின் மகன் ஜேசன் சஞ்சய் இயக்குநராக அறிமுகமாகும் ’சிக்மா’ திரைப்படமும் வெளியாகவுள்ளது. இதனால் தந்தை மற்றும் மகன் படங்களுக்கு இடையேயான பாக்ஸ் ஆபீஸ் மோதலைத் தவிர்க்கும் நோக்கத்திலேயே ‘திருப்பாச்சி’ திரைப்படத்தின் ரீரிலீஸ் தள்ளிவைக்கப்பட்டுள்ளதாக சினிமா வட்டாரங்கள் தெரிவிக்கின்றன.
