“பஜாரிகளா இருக்கும் போல” புல் போதையில் இருந்த பெண்கள்…கட்டணத்திற்காக நடுரோட்டில் ஆட்டோ டிரைவரிடம் குத்துச்சண்டை.. வைரலாகும் பரபரப்பு வீடியோ..!!

பெங்களூரு எச்.எஸ்.ஆர் லேஅவுட் பகுதியில், ஆட்டோ கட்டணம் தொடர்பாக இரண்டு இளம்பெண்களுக்கும் ஒரு ஆட்டோ ஓட்டுநருக்கும் இடையே நடுரோட்டில் ஏற்பட்ட பயங்கரக் கைக்கலப்பு தொடர்பான வீடியோ சமூக வலைத்தளங்களில் வைரலாகி பரபரப்பை ஏற்படுத்தியுள்ளது. திங்கட்கிழமை மதிய வேளையில் நடந்த இச்சம்பவத்தை, அந்த வழியாகச் சென்ற ஒருவர் தன் மொபைல் போனில் வீடியோவாகப் பதிவு செய்துள்ளார். அந்த வீடியோவில், இருதரப்பும் பொது இடத்தில் ஒருவரையொருவர் சரமாரியாகத் தாக்கிக் கொள்ளும் காட்சிகள் பதிவாகியுள்ளன.

சண்டை தீவிரமடைந்த போது, அங்கிருந்த மற்றொரு பெண் தலையிட்டு இருதரப்பையும் சமாதானப்படுத்த முயன்றுள்ளார். இந்த வீடியோ இன்ஸ்டாகிராம் உள்ளிட்ட சமூக ஊடகங்களில் பரவியதைத் தொடர்ந்து, சம்பந்தப்பட்டவர்கள் மீது நடவடிக்கை எடுக்குமாறு இணையவாசிகள் காவல்துறைக்குக் கோரிக்கை விடுத்தனர். இதையடுத்து, எச்.எஸ்.ஆர் லேஅவுட் போலீசார் அந்த இளம்பெண்களைத் தொடர்புகொண்டு காவல் நிலையத்தில் புகார் அளிக்குமாறு அறிவுறுத்தியுள்ளனர். ஆனால், அவர்கள் புகார் அளிக்க ஒன்று அல்லது இரண்டு நாட்கள் அவகாசம் கேட்டுள்ளனர்.

இதற்கிடையில், போலீசார் அந்த ஆட்டோ ஓட்டுநரைக் கண்டறிந்து விசாரித்தனர். அப்போது அவர், அந்தப் பெண்கள் இருவரும் மதுபோதையில் இருந்ததாகவும், ஆட்டோ சவாரி முடிந்ததும் கட்டணம் தராமல் தன்னைத் தகாத வார்த்தைகளால் திட்டியதாகக் குற்றம் சாட்டியுள்ளார். மேலும், அவர்கள்தான் தன்னை முதலில் தாக்கியதாகவும், அதற்குப் பிறகே தான் திருப்பித் தாக்கியதாகவும் ஓட்டுநர் வாக்குமூலம் அளித்துள்ளார். தற்போதைக்கு இளம்பெண்களின் அதிகாரப்பூர்வப் புகாருக்காகக் காத்திருக்கும் போலீசார், புகார் வந்த பிறகே அடுத்தகட்ட சட்ட நடவடிக்கை எடுக்கப்படும் எனத் தெரிவித்துள்ளனர்.