“குறைந்த கட்டணத்தில் தரமான கல்வி: தந்தை வழியில் மகள் சாதனை.. ரிக்ஷா ஒட்டி கிராமப்புற மாணவர்களை படிக்க வைக்கும் பெண்..!!!

உத்தரப் பிரதேசத்தைச் சேர்ந்த அர்ச்சனா என்ற பெண்மணி, ரிக்ஷா ஓட்டித் தன்னைத் படிக்க வைத்த தனது தந்தையின் கடின உழைப்பையே உத்வேகமாகக் கொண்டு ‘ஷிக்ஷா சாத்தி’ (Shiksha Saathi) என்ற தன்னார்வ அமைப்பைத் தொடங்கியுள்ளார். இதன் முக்கிய நோக்கம், போதிய பொருளாதார வசதி இல்லாத கிராமப்புற ஏழை மாணவர்களுக்கும் தரமான கல்வி எளிதாகச் சென்றடைய வேண்டும் என்பதாகும்.

இந்த அமைப்பின் மூலம் கிராமப்புற மாணவர்களுக்கு மாதம் வெறும் ₹100 போன்ற மிகக் குறைந்த கட்டணத்தில் சிறப்பான கல்வி கற்பிக்கப்பட்டு வருகிறது. இதுமட்டுமன்றி, கிராமப்புறங்களில் இருக்கும் படித்த பெண்களுக்குத் தகுந்த ஆசிரியர் பயிற்சிகளை வழங்கி, அவர்களைத் தங்களது மையங்களிலேயே ஆசிரியர்களாக நியமிப்பதன் மூலம் அவர்களுக்குப் புதிய வேலைவாய்ப்புகளையும் அர்ச்சனா உருவாக்கித் தந்துள்ளார்.

தற்போது இந்த உன்னத முயற்சியானது உத்தரப் பிரதேசத்தின் 6 மாவட்டங்களில் பரவி, சுமார் 78 கல்வி மையங்கள் மூலம் மிகச் சிறப்பாகச் செயல்பட்டு வருகிறது. இதன் வாயிலாக இதுவரை 7,650-க்கும் மேற்பட்ட கிராமப்புற மாணவர்கள் முறையான கல்வியைப் பெற்றுப் பயனடைந்து வருகின்றனர் என்பது குறிப்பிடத்தக்கது.