“மனிதநேயமற்ற செயல்..!” சிறுவனை படுக்க சித்திரவதை செய்த எகிப்து செவிலியர்கள்.. இணையத்தில் வைரலாகும் வீடியோ..!!

சவூதி அரேபியாவில் உள்ள ஒரு மருத்துவமனையில், பல் வலியால் துடித்த ஒரு சிறுவனை மருத்துவ நெறிமுறைகளுக்கு மாறாகப் படுக்க வைத்து, ஒரு செவிலியர் அச்சிறுவன் மீது படுத்துக் கொண்டும், மற்றொருவர் சிகிச்சை அளித்தது போன்றும் எடுக்கப்பட்ட அதிர்ச்சியூட்டும் வீடியோ சமூக வலைதளங்களில் வெளியாகி கடும் கண்டனங்களை எழுப்பியுள்ளது.சவூதி சுகாதார அமைச்சகத்தின் கடுமையான விதிகளை மீறி, நோயாளியின் பாதுகாப்பிற்கு அச்சுறுத்தல் ஏற்படுத்தும் வகையில் தகுதியற்ற முறையில் செயல்பட்டதாக எகிப்து நாட்டைச் சேர்ந்த அந்தச் செவிலியர்கள் உடனடியாகக் காவல்துறையினரால் கைது செய்யப்பட்டுள்ளனர். மனித உயிர்களோடும் உடல்நலத்தோடும் தொடர்புடைய மருத்துவத் துறையில் அரங்கேறிய இந்த அலட்சியப்போக்கு மற்றும் ஒழுக்கக்கேடான செயல் சவூதி அரேபியாவில் பெரும் பரபரப்பை ஏற்படுத்தியுள்ளது.

இந்த அத்துமீறல் தொடர்பாகச் சவூதி அரேபியாவின் சுகாதார அமைச்சகம் மற்றும் பாதுகாப்புத் துறையினர் உரிய சட்டபூர்வ விசாரணையைத் தொடங்கியுள்ளனர். கைதான எகிப்திய செவிலியர்கள் மீது அந்நாட்டின் உள்ளூர் சட்டதிட்டங்களின்படி தொழில்முறை நெறிமுறைகளை மீறியதற்கான கடுமையான பிரிவுகளின் கீழ் வழக்குப் பதிவு செய்யப்பட்டு, அடுத்தகட்ட சட்ட நடவடிக்கைகளுக்காக அனுப்பப்பட்டுள்ளனர். மருத்துவத் துறையில் நோயாளிகளின் உரிமைகளையும், மருத்துவத் தரத்தையும் காப்பதில் சவூதி அரசு எப்போதுமே சமரசம் செய்துகொள்வதில்லை என்பதை உணர்த்தும் வகையில், தவறு செய்தவர்கள் மீது தகுந்த விசாரணை நடத்தப்பட்டு உரியத் தண்டனை பெற்றுத்தரப்படும் எனச் சுகாதாரத் துறை அதிகாரிகள் உறுதியளித்துள்ளனர்.