LATEST NEWS
“எனக்கு யாருமே இல்லை தம்பி..” பென்ஷன் எடுக்க வந்த பாட்டியை அவமானப்படுத்திய பேரன்… வரிசையில் நின்ற இளைஞர் கொடுத்த செம ட்விஸ்ட்.. கண் கலங்க வைக்கும் சம்பவம்..!!
வங்கியில் ஓய்வூதியம் எடுப்பதற்காக வந்த மூதாட்டி ஒருவரை, அங்கிருந்த வங்கி ஊழியர் அவமதித்துப் பேசிய சம்பவம் நெட்டிசன்கள் மத்தியில் விவாதத்தையும் ஏற்படுத்தியுள்ளது. ஓய்வூதியப் பணத்தை எடுப்பதற்காக வங்கிக்கு வந்த அந்த மூதாட்டியிடம், “பாட்டி, எத்தனை முறை சொல்வது? உங்களால் கைரேகை வைக்க முடியாது; உங்களுடன் யாரையாவது அழைத்து வாருங்கள்” என கவுன்ட்டரில் இருந்த ஊழியர் கடுமையாகப் பேசியுள்ளார். அதற்கு அந்த மூதாட்டி, “தம்பி, எனக்கு யாருமே இல்லை; எல்லாவற்றையும் நானேதான் செய்ய வேண்டும்” என மென்மையாகப் பதிலளித்துள்ளார். இருப்பினும், “பின்னால் இவ்வளவு பேர் வரிசையில் நிற்கும்போது, உங்களுக்காக மட்டுமே நேரம் ஒதுக்க முடியாது” என அந்த ஊழியர் கோபமாகப் பேசியதால், மனமுடைந்த மூதாட்டி அமைதியாக ஒரு ஓரத்தில் சென்று அமர்ந்துள்ளார்.
இதனைக் கவனித்த வரிசையில் நின்றிருந்த இளைஞர் ஒருவர், தனது இடத்தை விட்டுக்கொடுத்து மூதாட்டியிடம் சென்று, “பாட்டி, நான் உங்களுக்கு உதவட்டுமா?” எனக் கேட்டுள்ளார். அந்த இளைஞரின் அன்பான வார்த்தையைக் கேட்டதும் மூதாட்டி கதறி அழத் தொடங்கியதுடன், “தம்பி, என்னுடைய பேரனே இதே வங்கியில்தான் வேலை செய்கிறான்; கடந்த மாதம் வந்தபோதும், அலுவலகத்தில் உறவினர்களிடம் பேச முடியாது என்று கூறி என்னை அடையாளம் காட்டிக்கொள்ள மறுத்துவிட்டான்” எனத் தனது வேதனையைப் பகிர்ந்துள்ளார். இதைக் கேட்டு அங்கிருந்தவர்கள் அதிர்ச்சியும் கோபமும் அடைந்த நிலையில், அந்த இளைஞர் பேரனின் பெயரைக் கேட்டுத் தெரிந்துகொண்டு சற்று நேரம் மௌனமானார். ஏனெனில், அவர் அந்த வங்கியின் புதிய மேலாளர் ஆவார். உடனடியாக அந்த ஊழியரை அழைத்த மேலாளர், “விரலைப் பிடித்து உனக்கு நடக்கக் கற்றுக்கொடுத்த பாட்டியின் கைரேகை இன்று உனக்குச் சுமையாகிவிட்டதா? வேலையில் நீ எவ்வளவு உயர்ந்த பதவிக்குச் சென்றாலும், பெரியவர்களை விட உயர்ந்தவனாக ஆக முடியாது” எனக் கூறி, அந்த மூதாட்டியை நாற்காலியில் அமர வைத்து அவருக்கான வங்கிப் பணிகளை உடனடியாக முடித்துக் கொடுத்துள்ளார்.
