கண்ணை மறைத்த பக்கத்துவீட்டுக்காரி பாசம்… தம்பி கல்யாணத்துக்குக் கள்ளக்காதலியை கூட்டிட்டுப் போன கணவன்… எதிர்த்த மனைவியைக் கொன்று தற்கொலை நாடகமாடிய கணவன்..!!

உத்தரப் பிரதேச மாநிலம் பதாவுன் மாவட்டத்தில், பக்கத்து வீட்டுப் பெண்ணுடனான கள்ளத்தொடர்பை மனைவி எதிர்த்ததால், கணவன் அவளைக் கொடூரமாக அடித்துக் கொன்று தூக்கில் தொங்கவிட்ட அதிர்ச்சிச் சம்பவம் அரங்கேறியுள்ளது. இந்தத் துயரமான சம்பவத்தில் யாஸ்மின் என்ற இரண்டு குழந்தைகளுக்குத் தாயான பெண் உயிரிழந்துள்ளார். இக்கொடூர குற்றத்தை இழைத்த அவளது கணவன் அஸ்லம் என்பவருக்கு எதிராகப் போலீசார் வழக்குப் பதிவு செய்து உடலைக் கைப்பற்றியுள்ளனர்.

பதாவுனின் இஸ்லா நகரைச் சேர்ந்த யாஸ்மினுக்கு, 18 ஆண்டுகளுக்கு முன்பு அஸ்லம் என்பவருடன் கோலாகலமாகத் திருமணம் நடந்துள்ளது. திருமணத்திற்குப் பிறகு அஸ்லமிற்குச் சூதாட்டம் மற்றும் மதுப்பழக்கம் ஏற்பட்டதால், தினமும் குடித்துவிட்டு வந்து மனைவியை அடித்துத் துன்புறுத்துவதையும், வரதட்சணை கேட்டுப் பிரதாபப்படுத்துவதையும் வாடிக்கையாகக் கொண்டிருந்தான். இதற்கிடையே, அவனுக்குப் பக்கத்து வீட்டுப் பெண் ஒருவருடன் கள்ளத்தொடர்பு ஏற்பட்டதால், மனைவி யாஸ்மினை முற்றிலும் புறக்கணித்து வந்துள்ளான்.

கடந்த அக்டோபர் 23ஆம் தேதி அஸ்லமின் தம்பி திருமணத்தின் போது, செலவுக்குப் பணம் கேட்ட யாஸ்மினை அஸ்லம் கடுமையாகத் தாக்கியுள்ளான். அதுமட்டுமன்றி, தம்பியின் திருமணத்திற்குத் தனது மனைவியை அழைத்துச் செல்லாமல், கள்ளக்காதலியை அழைத்துச் சென்றுள்ளான். இதனை யாஸ்மின் மிகக் கடுமையாக எதிர்த்ததால் ஆத்திரமடைந்த அஸ்லம், முதலில் அவளைத் தடியால் கொடூரமாக அடித்துத் தாக்கி, பின்னர் தூக்கில் தொங்கவிட்டுக் கொலை செய்துள்ளதாக யாஸ்மினின் தாயார் காவல்துறையில் புகார் அளித்துள்ளார்.