“என் மனைவியை நான் கொல்லவில்லை..!” நீதிமன்றத்தில் கண்ணீருடன் கதறிய கணவன்.. இணையத்தில் வைரல் வீடியோ..!!

தனது மனைவி ஆஷ்லே பிளீனைக் கொலை செய்ததாகக் குற்றம் சாட்டப்பட்டு, குற்றவாளி எனத் தீர்ப்பளிக்கப்பட்ட காலேப் பிளின் தனக்கான தண்டனை விபரங்களை அறிவிக்கும் நீதிமன்ற விசாரணையின் போது தான் நிரபராதி என்று வாதிட்டுள்ளார். நீதிமன்றத்தில் பேசிய அவர், “துரதிர்ஷ்டவசமாக கடந்த சில வருடங்களாக நான் பல விஷயங்களைப் பற்றி பொய் சொல்லியிருக்கிறேன். ஆனால், எனது இறுதி நீதிபதியான கடவுளுக்கு முன்பாக நான் இங்கே நிற்கும்போது உறுதியாகக் கூறுகிறேன்… நான் எனது மனைவியைக் கொல்லவில்லை” என்று உருக்கமாகக் குறிப்பிட்டுள்ளார்.

மேலும் அவர் பேசுகையில், தமக்கு விதிக்கப்படவுள்ள தண்டனையை எதிர்கொள்ளும் நிலையிலும் தனது தரப்பு நியாயத்திற்காக தொடர்ந்து போராடப் போவதாகத் தெரிவித்தார். “இறைவன் அனுமதிக்கும் வரை, நான் நிரபராதி என்பதை நிரூபிக்க தொடர்ந்து போராடுவேன்” என்று அவர் நீதிமன்றத்தில் திட்டவட்டமாகக் கூறியுள்ளார். இந்த கொலை வழக்கில் அவருக்கு தண்டனை அறிவிக்கப்படும் தருணத்திலும், அவர் தனது குற்றச்சாட்டை மறுத்து “நான் என் மனைவியைக் கொல்லவில்லை” என்று மீண்டும் மீண்டும் கூறியது நீதிமன்றத்தில் பெரும் பரபரப்பை ஏற்படுத்தியுள்ளது.