“இது என்ன கொடுமை.. நடுரோட்டில் மாணவிக்கு சீண்டிய காமுகன்..” தட்டிக்கேட்ட வாலிபர்களுக்கு நேர்ந்த விபரீதம்.. பெரும் பரபரப்பு சம்பவம்..!!

கர்நாடக மாநிலம் பாகல்கோட்டை மாவட்டம் நவநகர் காவல் எல்லைக்குட்பட்ட பகுதியில், நடைபயிற்சி மேற்கொண்டிருந்த ஒரு மாணவிக்கு நடுரோட்டில் பாலியல் தொல்லை கொடுத்த நபரைத் தட்டிக்கேட்ட இரண்டு வாலிபர்களைப் போலீசார் கைது செய்துள்ள விசித்திரமான சம்பவம் பெரும் பரபரப்பை ஏற்படுத்தியுள்ளது. இந்தத் தங்கிப் படிக்கும் மாணவி காலையில் விடுதி அருகே நடந்து சென்றபோது, சுதிப் (27) என்ற வாலிபர் அவருக்குப் பாலியல் தொல்லை கொடுத்துள்ளார். மாணவியின் அலறல் சத்தத்தைக் கேட்டு அங்கு வந்த சேத்தன் (25) மற்றும் ரோகன் (25) ஆகிய இரு வாலிபர்கள் சுதிப்பைச் சரமாரியாகத் தாக்கியுள்ளனர், மேலும் மாணவியும் தனது செருப்பால் அவரை அடித்துள்ளார். இதில் பலத்த காயமடைந்து சுயநினைவின்றி விழுந்த சுதிப்பை மீட்ட நவநகர் போலீசார், அவரைப் பாகல்கோட்டை அரசு மருத்துவமனைக்குச் சிகிச்சைக்காக அனுப்பி வைத்தனர்.

ஆனால், இந்த வழக்கில் மாணவிக்கு அத்துமீறிப் பாலியல் தொல்லை கொடுத்த சுதிப்பைக் கைது செய்வதற்குப் பதிலாக, அவரைத் தடுத்து மாணவியைக் காப்பாற்ற முயன்ற சேத்தன் மற்றும் ரோகன் ஆகிய இருவரையும் போலீசார் கைது செய்து சிறையில் அடைத்துள்ளனர். போலீசாரின் இந்தத் தலைகீழான நடவடிக்கைக்குப் பாதிக்கப்பட்ட மாணவியும், கைது செய்யப்பட்ட வாலிபர்களின் பெற்றோர்களும் தங்களின் கடுமையான அதிருப்தியைத் தெரிவித்துள்ளனர். தன்னை ஆபத்தில் இருந்து காப்பாற்றியவர்கள் அவர்கள் இருவர்தான் என்றும், அவர்கள் மீது எந்தத் தவறும் இல்லாததால் உடனடியாக அவர்களை விடுதலை செய்துவிட்டு, உண்மையான குற்றவாளியான சுதிப் மீது சட்டம் பாய வேண்டும் என்றும் அந்த மாணவி கண்ணீருடன் கோரிக்கை விடுத்துள்ளார்