“நண்பர்களே எமனாக மாறிய கொடூரம்..!” காட்டுக்குக் கூட்டிப் போய் கொடுத்த மதுபானம்.. மறுநாள் விவசாய வயலில் காத்திருந்த அதிர்ச்சி.. குலை நடுங்க வைக்கும் பின்னணி..!!

உத்தரப் பிரதேச மாநிலம் மதுராவில் வெறும் ரூ.25,000 கடன் தொகை தொடர்பான தகராறில், ஒரு வாலிபர் அவரது சொந்த நண்பர்களாலேயே பியூஷ் என்ற நபரைக் கொடூரமாகக் கொலை செய்யப்பட்ட அதிர்ச்சி சம்பவம் அரங்கேறியுள்ளது. முதற்கட்ட தகவல்களின்படி, கடன் வாங்கிய பணத்தைத் திருப்பித் தருவதில் நண்பர்களுக்கு இடையே நீண்ட நாட்களாகத் தகராறு நீடித்து வந்துள்ளது. சம்பவத்தன்று, நண்பர்கள் அனைவரும் திட்டமிட்டு அந்த வாலிபரை அருகில் உள்ள காட்டுப் பகுதிக்கு அழைத்துச் சென்றுள்ளனர். அங்கு வைத்து அவருக்குக் கடுமையான மதுபானம் கொடுத்து போதையாக்கிய பின்னர், கொடூரமாகக் கொலை செய்து அவரது உடலை யாருக்கும் தெரியாமல் ஒரு விவசாய வயலில் குழிதோண்டிப் புதைத்துள்ளனர்.

இந்தக் கொடூரக் கொலைச் சம்பவம் தொடர்பாக வழக்குப் பதிவு செய்து தீவிர விசாரணை நடத்தி வந்த காவல்துறையினர், முதன்மைக் குற்றவாளியைக் கைது செய்து அவரிடம் நடத்திய விசாரணையில் இந்த அதிர்ச்சி உண்மை அம்பலமானது. கைது செய்யப்பட்ட முதன்மைக் குற்றவாளி அளித்த ரகசியத் தகவலின் அடிப்படையில், போலீசார் குறிப்பிட்ட அந்த விவசாய வயலுக்கு விரைந்து சென்று, புதைக்கப்பட்டிருந்த வாலிபரின் அழுகிய உடலைத் தோண்டி எடுத்துப் பிரேதப் பரிசோதனைக்காக அனுப்பி வைத்துள்ளனர். பணத்திற்காகச் சொந்த நண்பரையே மது குடிக்க வைத்துக் கொன்று புதைத்த இந்த நெஞ்சைப் பதறவைக்கும் விபரீத சம்பவம் அப்பகுதியில் பெரும் பரபரப்பை ஏற்படுத்தியுள்ளது.