LATEST NEWS
3 அமைச்சர்களின் பதவி காலி..? இலாகாக்களை மாற்றும் முதல்வர் விஜய்.. இடைத்தேர்தல் வெற்றிக்குப் பின் அமைச்சரவையில் அரங்கேறும் அதிரடி மாற்றம்..!!
தமிழக அமைச்சரவை மாற்றம் குறித்துப் பேசியுள்ள அமைச்சர் சி.டி.ஆர். நிர்மல் குமார், அது முற்றிலும் முதலமைச்சர் விஜய்யின் தனிப்பட்ட முடிவு மற்றும் அதிகாரிப்புக்கு உட்பட்டது என்று திட்டவட்டமாகத் தெரிவித்துள்ளார். சமீபத்தில் நடந்து முடிந்த இடைத்தேர்தல்களுக்குப் பிறகு அமைச்சரவையில் அதிரடி மாற்றங்கள் இருக்கும் என்று அரசியல் வட்டாரங்களில் பரவலாகப் பேசப்பட்டு வந்த நிலையில், நிர்மல் குமாரின் இந்தப் பேச்சு அந்த யூகங்களை மேலும் உறுதிப்படுத்தும் வகையில் அமைந்துள்ளது.
ஏற்கெனவே வெளியாகியுள்ள தகவல்களின்படி, ஆளுங்கட்சியின் செயல்பாடுகளை மேம்படுத்துவதற்காகத் தென் மாவட்டத்தைச் சேர்ந்த ஒரு பெண் அமைச்சர் உள்பட சுமார் மூன்று அமைச்சர்களின் பதவிகள் பறிக்கப்படவுள்ளதாகக் கூறப்படுகிறது. மேலும், அரசின் நிர்வாகச் சீரமைப்பைத் தீவிரப்படுத்தும் நோக்கில் முதலமைச்சர் விஜய் உள்பட பல முக்கிய அமைச்சர்களின் இலாகாக்களும் மாற்றப்படவுள்ளதாகத் தகவல்கள் கசிந்துள்ளன.
தவெக அரசின் இந்த வரவிருக்கும் அதிரடி அமைச்சரவை மாற்றமானது அரசியல் கட்சிகள் மற்றும் கோட்டை வட்டாரத்தில் பெரும் எதிர்பார்ப்பையும் சலசலப்பையும் ஏற்படுத்தியுள்ளது. நிர்வாகத் திறனை ஊக்குவிக்கும் விதமாகவும், கட்சியின் செல்வாக்கை மேலும் வலுப்படுத்தும் நோக்கிலும் முதல்வர் விஜய் இந்தத் துணிச்சலான முடிவை எடுக்கத் தயாராகி வருவதாகத் தெரிகிறது.
