“இது என்ன கொடுமை.. கோவிலில் திருமணம்…” 24 மணி நேரத்தில் புதுமண தம்பதி எடுத்த விபரீத முடிவு.. நெஞ்சை உலுக்கும் சம்பவம்..!!

உத்தரப் பிரதேச மாநிலம் சித்தார்த்நகர் மாவட்டத்தில், திருமணம் முடிந்த அடுத்த 24 மணி நேரத்திற்குள் புதுமணத் தம்பதியினர் தங்களது வீட்டிற்குள் தூக்கில் தொங்கிய நிலையில் சடலமாகக் கண்டெடுக்கப்பட்ட அதிர்ச்சிச் சம்பவம் பெரும் சோகத்தை ஏற்படுத்தியுள்ளது. ஜனியாஜோத் கிராமத்தைச் சேர்ந்த தேஷ்ராஜ் மற்றும் அனிதா ஆகிய இருவருக்கும் கடந்த செப்டம்பர் 21-ம் தேதியன்று அங்குள்ள தேக்தர் பாபா கோவிலில் வைத்து முறைப்படி திருமணம் நடைபெற்றுள்ளது.

திருமணம் முடிந்த மகிழ்ச்சிக் கொண்டாட்டங்கள் அடங்குவதற்குள், மறுநாளே தம்பதியினர் இருவரும் தங்களது வீட்டிற்குள் சடலமாகத் தொங்கியுள்ளனர். இதுகுறித்துத் தகவல் அறிந்த பன்சாய் காவல் துறையினர் சம்பவ இடத்திற்கு விரைந்து வந்து, இருவரின் சடலங்களையும் கைப்பற்றிப் பிரேதப் பரிசோதனைக்காக அனுப்பி வைத்தனர். இந்தத் துயரமான சம்பவம் தற்கொலையா அல்லது இதன் பின்னணியில் ஏதேனும் மர்மம் உள்ளதா என்ற கோணத்தில் காவல்துறையினர் தீவிர விசாரணையைத் தொடங்கியுள்ளனர்.