LATEST NEWS
“அவருக்கு கட்டம் முடிஞ்சிட்டு” CM விஜய் விரைவில் ஆட்சியை விட்டுப் போவார்.. – ஓ.எஸ். மணியன் அதிரடி கணிப்பு..!!
முன்னாள் அமைச்சரும் அதிமுக மூத்த தலைவருமான ஓ.எஸ். மணியன், முதலமைச்சர் விஜய் தலைமையிலான அரசு குறித்துக் கடுமையான அரசியல் விமர்சனங்களை முன்வைத்துள்ளார். செய்தியாளர்களைச் சந்தித்த அவர், ஜோதிட ரீதியாகவோ அல்லது அரசியல் கணக்குப்படியோ முதலமைச்சர் விஜய்யின் “கட்டம்” முடிந்துவிட்டதாகவும், இதனால் அவர் விரைவில் ஆட்சியில் இருந்து விலக நேரிடும் என்றும் பரபரப்பாகக் கூறியுள்ளார்.
திரைத்துறையைச் சேர்ந்த நடிகர்களுக்கு இயல்பாகவே அரசியல் ஆசைகள் ஏற்படுவது வழக்கம் என்று சுட்டிக்காட்டிய ஓ.எஸ். மணியன், அந்த வகையில் பல நடிகர்கள் அரசியலுக்கு வந்துவிட்டு பின்னர் காணாமல் போயிருக்கிறார்கள் என்றார். அதேபோல, முதலமைச்சர் விஜய்யும் அரசியலில் நீண்ட காலம் நீடிக்க மாட்டார் என்றும், மிகச் சீக்கிரத்திலேயே அவர் இந்த பதவியில் இருந்து சென்றுவிடுவார் என்றும் தனது பேட்டியில் சாடினார்.
மேலும், தற்போதைய அரசின் நிர்வாகத் திறமையின்மையைக் கடுமையாகக் குறை கூறிய அவர், தமிழகத்தில் ஏற்படக்கூடிய இயற்கை பேரிடர் காலங்களில் மக்களைப் பாதுகாப்பதற்கான எந்தவொரு ஆக்கப்பூர்வமான திட்டமும் இந்த அரசிடம் இல்லை என்று குற்றம்சாட்டினார். பேரிடர் போன்ற இக்கட்டானச் சூழல்களில் இருந்து மக்களைக் காப்பாற்ற இந்த தவெக அரசால் முடியாது என்றும் அவர் தனது விமர்சனத்தில் வலியுறுத்தியுள்ளார்.
