LATEST NEWS
ச்சீ..! “எரியும் சிதையில் கறி சமைத்து” சுடுகாட்டில் மது அருந்திவிட்டு 3 பேர் செய்த பகீர் காரியம்.. கேட்டாலே உடம்பெல்லாம் நடுங்குது..!!
உத்தரப் பிரதேச மாநிலம் ஷாஜஹான்பூர் மாவட்டத்தில் உள்ள நத்தாப்பூர் கிராமத்தில், இறுதிச்சடங்கு முடிந்து எரியூட்டப்பட்ட சிதையின் தீயில் மூன்று நபர்கள் இறைச்சி சமைத்த அதிர்ச்சிகரமான சம்பவம் பெரும் பரபரப்பை ஏற்படுத்தியுள்ளது. அந்த கிராமத்தைச் சேர்ந்த வீர்பால் என்பவரது தந்தை உயிரிழந்ததை அடுத்து, குடும்பத்தினர் சுடுகாட்டில் இறுதிச்சடங்குகளை முடித்துவிட்டு வீடு திரும்பியுள்ளனர். பின்னர் ஞாயிற்றுக்கிழமை மாலை வீர்பால் மீண்டும் சுடுகாட்டுக்குச் சென்றபோது, அவரது தந்தையின் உடல் எரிந்துகொண்டிருந்த சிதையின் மீது பாத்திரம் வைக்கப்பட்டு இறைச்சி சமைக்கப்படுவதைக் கண்டு அதிர்ச்சியடைந்து போலீசாருக்குத் தகவல் கொடுத்துள்ளார்.
தகவலறிந்து சம்பவ இடத்திற்கு விரைந்த புவாயன் காவல் நிலைய போலீசார், அங்கிருந்த சுரேந்திரா என்ற நபரை உடனடியாகக் கைது செய்தனர். அவருடன் இருந்த மற்ற இருவர் தப்பியோடிய நிலையில், பிடிபட்ட சுரேந்திராவிடம் நடத்திய முதற்கட்ட விசாரணையில் அதிர்ச்சித் தகவல் வெளியானது. அவர்கள் மூவரும் சுடுகாட்டில் அமர்ந்து மது அருந்திக் கொண்டிருந்ததாகவும், அப்போது எரியும் சிதையைப் பார்த்தவுடன் அதன் தீயைப் பயன்படுத்தி இறைச்சி சமைக்க முடிவு செய்ததாகவும் வாக்குமூலம் அளித்துள்ளார்.
இறந்தவருக்கு மரியாதை செலுத்த வேண்டிய சுடுகாட்டில் நடந்த இந்த அநாகரிகச் செயல், உயிரிழந்தவரின் குடும்பத்தினரிடையேயும் அப்பகுதி மக்களிடையேயும் பெரும் கோபத்தையும் மன உளைச்சலையும் ஏற்படுத்தியுள்ளது. உள்ளூர் மக்கள் சிலர் இது ஏதேனும் தந்திர சடங்குகளுக்காகச் செய்யப்பட்டதா என்ற சந்தேகத்தை எழுப்பியுள்ள நிலையில், போலீசார் கைது செய்யப்பட்ட சுரேந்திராவைச் சிறையில் அடைத்து தப்பியோடிய மற்ற இருவரைத் தீவிரமாகத் தேடி வருகின்றனர்.
