“தள்ளிட்டு வாங்க.. அள்ளிட்டு போங்க” – அதிமுகவை காலி செய்ய தவெகவின் மாஸ் பிளான்..? ‘ஆடி ஆஃபர்’ அறிவித்த முதல்வர் விஜய்..!!

தமிழக அரசியல் களம் தற்போது பெரும் பரபரப்பைச் சந்தித்து வரும் வேளையில், அதிமுகவின் தொடர் தேர்தல் தோல்விகளால் அதிருப்தி அடைந்த அக்கட்சியின் மூத்த நிர்வாகிகள், முன்னாள் அமைச்சர்கள் மற்றும் எம்.எல்.ஏ-க்கள் பலர் தவெக-வில் இணைந்து வருகின்றனர். சி. விஜயபாஸ்கர், எம்.ஆர்.விஜயபாஸ்கர், இசக்கி சுப்பையா மற்றும் பி. சத்யபாமா போன்ற முக்கியப் புள்ளிகள் ஏற்கனவே தவெக-வில் இணைந்துள்ள நிலையில், அடுத்தடுத்து வரவிருக்கும் தேர்தல்களிலும் வெற்றியைத் தக்கவைக்கத் தவெக தலைமை புதிய திட்டங்களை வகுத்து வருகிறது.

ஆட்சி அதிகாரத்தில் இருக்கும் போதே தவெக-வின் அடிமட்டக் கட்டமைப்பை வலுப்படுத்துவதற்காக, அதிமுகவினரை ஒட்டுமொத்தமாகத் தங்கள் பக்கம் இழுக்க முதலமைச்சர் விஜய் அதிரடி வியூகம் ஒன்றை அமைத்துள்ளார். இதற்கான முழுப் பொறுப்பும் கட்சியின் மூத்த தலைவர் ஆதவ் அர்ஜூனாவிடம் ஒப்படைக்கப்பட்டுள்ளதாகக் கூறப்படுகிறது. அதிமுகவின் முக்கிய நிர்வாகிகளைத் தவெக-விற்கு வெற்றிகரமாக அழைத்து வருபவர்களுக்குக் கட்சியில் உயரிய பதவிகள் மட்டுமின்றி, வாரியத் தலைவர் பதவிகளும் “ஆடி ஆஃபர்” போல ஜாக்பாட்டாக வழங்கப்படும் என தவெக தரப்பில் வாக்குறுதி அளிக்கப்பட்டுள்ளதாகத் தகவல்கள் வெளியாகியுள்ளன.

இந்தத் தீவிரமான ஆள் பிடிக்கும் திட்டத்தின் மூலம், கடந்த இரண்டு மாதங்களில் மட்டும் அதிமுகவின் சுமார் 30 சதவீத நிர்வாகிகள் தவெக-விற்கு மாறியுள்ளனர். வரும் நாட்களில் மாவட்ட வாரியாகப் பிரம்மாண்டமான இணைப்பு விழாக்களை நடத்தவும், அதன் பொறுப்புகளை ஏற்கனவே இணைந்த மூத்த தலைவர்களிடம் ஒப்படைக்கவும் தவெக தலைமை திட்டமிட்டுள்ளது. தவெக-வின் இந்த அதிரடி அரசியல் நகர்வை அதிமுக தலைமை எப்படி எதிர்கொள்ளப் போகிறது என்ற எதிர்பார்ப்பு தமிழக அரசியலில் அதிகரித்துள்ளது.