“மெட்ரோ ரயிலில் ஒலித்த தாத்தாவின் குரல்.. ஷாக்கில் பேரன் கொடுத்த கியூட் ரியாக்ஷன்..!” இணையத்தை கலக்கும் வீடியோ..!!

தில்லி மெட்ரோ குறித்த செய்திகளில் வழக்கமாக விசித்திரமான நிகழ்வுகளும் சண்டைகளுமே வைரலாகும் நிலையில், இந்த முறை சமூக வலைத்தளங்களில் மக்களின் இதயங்களை வென்ற ஒரு மிகவும் அழகிய மற்றும் உணர்வுபூர்வமான வீடியோ வைரலாகி வருகிறது. தில்லி மெட்ரோவின் புகழ்பெற்ற குரலுக்குச் சொந்தக்காரரும், மூத்த செய்தி வாசிப்பாளருமான ஷம்மி நாரங், தனது சிறு பேரனை முதன்முறையாக மெட்ரோ ரயிலில் அழைத்துச் சென்றபோது நடந்த நெகிழ்ச்சியான சம்பவம் இணையவாசிகளின் மனதை நெகிழ வைத்துள்ளது.

தில்லி மெட்ரோவில் பயணித்த எவருக்கும் ‘அடுத்த நிலையம் ராஜீவ் சௌக்…’ என்று ஒலிக்கும் ஷம்மி நாரங்கின் குரல் பரிச்சயமான ஒன்றாகும். தூர்தர்ஷன் காலத்தில் இருந்தே செய்தி வாசிப்பாளராக மக்கள் மனதில் இடம் பிடித்த அவர், சமீபத்தில் தனது குட்டி பேரன் ரூஷானை முதன்முறையாக தில்லி மெட்ரோ ரயிலில் அழைத்துச் சென்றுள்ளார். ரயில் நகரத் தொடங்கி, ஒலிபெருக்கியில் அவரது தாத்தாவின் குரல் ஒலித்ததும், வீட்டில் அன்பாகப் பேசும் தாத்தாவின் குரலை ரயிலின் ஒலிபெருக்கியில் கேட்டு பேரன் ரூஷான் பெரும் ஆச்சரியத்திலும் மகிழ்ச்சியிலும் மூழ்கினான்.

இந்த மறக்க முடியாத தருணத்தை சமூக வலைத்தளத்தில் பகிர்ந்த ஷம்மி நாரங், “நான் எப்போதும் இந்த மெட்ரோ ரயில்களில் பயணிக்காமல் போகலாம், ஆனால் என் குரல் ஒரு தலைமுறையிலிருந்து அடுத்த தலைமுறைக்கு பயணிக்கும் என்பதில் நான் பெருமிதம் கொள்கிறேன்” என்று உருக்கமாக பதிவிட்டுள்ளார். இந்த வீடியோ வெளியானதும் 80 மற்றும் 90-களின் நினைவுகளைப் பகிர்ந்து மக்கள் தங்களது நெகிழ்ச்சியான கருத்துகளைப் பதிவிட்டு வருகின்றனர்.