“இது பைக்கா..? இல்லை மினி பஸ்ஸா..?” கோழிகளை ஏற்றுவது போல் 5 குழந்தைகள்… டிவிஎஸ் எக்ஸ்எல் வண்டியில் முதியவர் செய்த பகீர் காரியம்.. நெட்டிசன்களை அலறவிட்ட வீடியோ..!!

மைசூர் – நஞ்சன்கூடு சாலையில் உள்ள ஊட்டி மெயின் ரோட்டில், ஞாயிற்றுக்கிழமை வார இறுதி போக்குவரத்து நெரிசலுக்கு இடையே, டிவிஎஸ் எக்ஸ்எல் இருசக்கர வாகனத்தில் ஒருவர் ஐந்து குழந்தைகளை கோழிகளை ஏற்றிச் செல்வது போல் ஆபத்தான முறையில் ஏற்றிச் சென்ற சம்பவம் பெரும் அதிர்ச்சியை ஏற்படுத்தியுள்ளது. ‘KA 09 JU 1459’ என்ற எண் கொண்ட அந்த வாகனத்தில், எவ்வித பாதுகாப்பு விதிகளையும் பின்பற்றாமல், அத்தனை குழந்தைகளையும் ஒட்டுமொத்தமாக அமர வைத்து அவர் பயணித்துள்ளார். வார இறுதி நாளான ஞாயிற்றுக்கிழமை என்பதால் அந்தச் சாலையில் வாகனப் போக்குவரத்து மிக அதிகமாக இருந்த வேளையில், இந்த முதியவரின் இத்தகைய அஜாக்கிரதை செயல் பார்ப்போரை பதைபதைக்க வைத்துள்ளது.

இந்தக் கொடூரமான மற்றும் ஆபத்தான பயணத்தைக் கண்ட வாகன ஓட்டிகள், அந்தச் சிறு குழந்தைகளின் பாதுகாப்பு குறித்து கடும் கவலையடைந்துள்ளனர். விபத்துகள் அதிகம் நிகழ வாய்ப்புள்ள இந்த முக்கிய நெடுஞ்சாலையில், தங்களின் சொந்தக் குழந்தைகளின் உயிரோடு இப்படி விளையாடும் பெற்றோர்கள் மீது காவல்துறை கடுமையான நடவடிக்கை எடுக்க வேண்டும் என சமூக வலைத்தளங்களில் கோரிக்கைகள் எழுந்துள்ளன.