“அந்த வீடியோவை நெட்ல போட்ருவேன்…” 16 வயது சிறுமியை மிரட்டி ஆசாமி செய்த பகீர் காரியம்.. விசாரணையில் வெளிவந்த அதிர்ச்சி உண்மை..!!

உத்தரப் பிரதேச மாநிலத்தின் தலைநகர் லக்னோவில் உள்ள மோகன்லால்கஞ்ச் பகுதியில், பத்தாம் வகுப்பு படிக்கும் 16 வயது இந்து சிறுமியை மொனிஷ் கான் என்ற அண்டை வீட்டு இளைஞர் காதலிப்பதாகக் கூறி ஏமாற்றி, அவரது ஆபாச வீடியோவைப் பதிவு செய்து மிரட்டல் மற்றும் பணப்பறிப்பில் ஈடுபட்ட அதிர்ச்சிச் சம்பவம் வெளிச்சத்திற்கு வந்துள்ளது. அந்த வீடியோவைச் சமூக வலைத்தளங்களில் வைரலாக்கி விடுவதாக மிரட்டிய மொனிஷ் கான், அச்சிறுமியைக் கடுமையான மன ரீதியாகவும், உடல் ரீதியாகவும், நிதி ரீதியாகவும் சுரண்டியுள்ளார். வீடியோவை வெளியிடாமல் இருக்க அவன் பணம் டிமாண்ட் செய்ததால், அந்த மாணவி தனது வீட்டிலிருந்தே பணத்தைத் திருடி அவனுக்குக் கொடுத்து வந்துள்ளார். கடந்த மார்ச் 20 அன்று வீட்டில் இருந்த உண்டியல் பணம் காணாமல் போனது குறித்து தந்தை தன் மகளிடம் தீவிரமாக விசாரித்தபோது, இன்ஸ்டாகிராம் மற்றும் வாட்ஸ்அப் மூலம் தனக்கு விடுக்கப்பட்ட மிரட்டல்களையும், இந்த ஒட்டுமொத்த பிளாக்மெயில் கொடுமையையும் அழுதுகொண்டே விவரித்துள்ளார். இதன் அடிப்படையில் சிறுமியின் தந்தை கொடுத்த புகாரின் பேரில், காவல்துறையினர் மொனிஷ் கானைக் கைது செய்து அவனது மொபைல் போனைப் பறிமுதல் செய்து சிறையிலடைத்தனர்.

இந்த விசாரணையின் போது, மொனிஷ் கான் இதுபோன்ற கொடூரமான குற்றத்தைச் செய்வது இது முதல் முறையல்ல என்ற திடுக்கிடும் உண்மையும் அம்பலமாகியுள்ளது. கடந்த 2023 மே 26 அன்று, இதே மொனிஷ் கான் அருகில் வசித்த மற்றொரு 15 வயது சிறுமியை ஏமாற்றித் தனது இடத்திற்கு அழைத்துச் சென்று அடைத்து வைத்து வன்புணர்வு செய்த வழக்கில் கைது செய்யப்பட்டுச் சிறைக்குச் சென்றவன் ஆவான். அத்தகைய கொடூரமான குற்றத்தைச் செய்த பிறகும், நீதிமன்றம் அவனுக்கு எளிதாக ஜாமீன் வழங்கியதால் வெளியே வந்த அவன், மீண்டும் தனது வழக்கமான கொடூரப் புத்தியைக் காட்டி இந்த இரண்டாவது சிறுமியின் வாழ்க்கையையும் சீரழித்துள்ளான். கடுமையான குற்றவாளிகளுக்கு நீதிமன்றங்கள் மீண்டும் மீண்டும் ஜாமீன் வழங்குவது குறித்துப் பொதுமக்களிடையே கடும் அதிருப்தி நிலவி வரும் வேளையில், இதுபோன்ற சமூகக் கேடுகளுக்கு எதிராக உடனடி மற்றும் கடுமையான ஒட்டுமொத்த சட்ட நடவடிக்கைகள் எடுக்கப்படாவிட்டால், இவை சமுதாயத்தில் ஒரு பேராபத்தாக உருவெடுக்கும் என்று சமூக ஆர்வலர்கள் கவலை தெரிவித்துள்ளனர்.