“வாய் இருக்கறதுக்காக என்ன வேணா பேசுவீங்களா?” – விமர்சகர்களை ஒற்றை வார்த்தையில் வறுத்தெடுத்த CM விஜய்..!

கரூரில் நடைபெற்ற மக்கள் சந்திப்பு கூட்டத்தில் பங்கேற்றுப் பேசிய முதலமைச்சர் விஜய், முந்தைய ஆட்சியாளர்களின் முறைகேடுகளையும் நிர்வாகச் சீர்கேடுகளையும் கடுமையாக விமர்சித்தார். ‘கரூர் சம்பவம்’ தனது மனதில் என்றும் ஆறாத வடுவாக உள்ளதாகக் குறிப்பிட்ட அவர், அந்தச் சம்பவத்தின் பின்னணியில் இருந்தவர்களையும், உரிய பாதுகாப்பு அளிக்கத் தவறிய காவல்துறையின் செயல்பாட்டையும் கேள்வி எழுப்பினார். மக்களின் நலனுக்காகவே தனது அனைத்தையும் துறந்து வந்துள்ள தன்னை எதிர்த்தரப்பினர் தேவையற்ற முறையில் ஏளனம் செய்வதாகக் கண்டனம் தெரிவித்தார். மேலும், கடந்த ஆட்சியில் சென்னையில் பாலம் கட்டுவது உள்ளிட்ட பல்வேறு திட்டங்களில் நடந்த பல கோடி ரூபாய் முறைகேடுகளைத் தோண்டி எடுத்து ரத்து செய்து வருவதாகவும், முந்தைய அரசின் நிதி நிர்வாகம் ‘ஓட்டைப் பாத்திரத்தில் நீரை ஊற்றியது போல’ வீணடிக்கப்பட்டுள்ளதை வெள்ளை அறிக்கை மூலம் அம்பலப்படுத்தியுள்ளதாகவும் அவர் சுட்டிக்காட்டினார்.

தற்போதைய தமது ஆட்சியில் அரசு அலுவலகங்களில் எவ்வித லஞ்சமும் இன்றி பணிகள் விரைவாகவும் நேர்மையாகவும் நடைபெற்று வருவதாக முதலமைச்சர் பெருமிதம் தெரிவித்தார். உள்கட்டமைப்பு மேம்பாட்டிற்காக எல்&டி நிறுவனத்துடன் 18 ஆயிரம் கோடி ரூபாய் மதிப்பிலான ஒப்பந்தம் கையெழுத்தாகியுள்ளதை சுட்டிக்காட்டிய அவர், அண்ணாவின் பிறந்தநாளன்று ‘தாய்மாமன் தங்க மோதிரம்’ என்ற புதிய திட்டம் தொடங்கப்பட உள்ளதாகவும், தானே மக்களுக்கு உண்மையான தாய்மாமனாக இருப்பேன் என்றும் உறுதியளித்தார். மேகதாது அணை விவகாரத்தில் முந்தைய அரசு செய்த தவறுகளைச் சுட்டிக்காட்டிய விஜய், விமர்சனங்களுக்குப் பதிலளிப்பதை விடச் செயலில் முடிவுகளைக் காட்டுவதே தமது நோக்கம் என்றும், ‘பேச்சு குறைவு, வேலை அதிகம்’ என்பதே தமது அரசியல் தாரக மந்திரம் என்றும் திட்டவட்டமாகத் தெரிவித்தார்.