“அவர் ஆன்மா நரகத்தில் எரியனும்” மறைந்த நடிகர் நானா படேகரை சபித்த தனுஸ்ரீ தத்தா… பாலிவுட்டை உலுக்கும் பகீர் பதிவு..!!

பாலிவுட்டின் மூத்த நடிகர் நானா படேகர் மாரடைப்பால் அண்மையில் காலமான நிலையில், அவர் குறித்து நடிகை தனுஸ்ரீ தத்தா சமூக வலைத்தளங்களில் வெளியிட்டு வரும் அடுத்தடுத்த சர்ச்சைக்குரிய பதிவுகள் பாலிவுட் திரையுலகில் பெரும் விவாதத்தை ஏற்படுத்தியுள்ளன. ஏற்கனவே நானா படேகரின் மரண செய்தியைக் கேட்டு, அவரை “தீய சக்தி” என்று விமர்சித்து தனுஸ்ரீ பதிவிட்டிருந்தது பெரும் சர்ச்சையானது. இந்நிலையில், தற்போது மீண்டும் தனது இன்ஸ்டாகிராம் பக்கத்தில் அவரை மிகக் கடுமையாகச் சாடி மற்றொரு பதிவை வெளியிட்டுள்ளார்.

தனுஸ்ரீ தத்தா தனது புதிய பதிவில், “நானா படேகர் நரகத்தில் எரிய வேண்டும்” என்றும், அவரது மரணம் தனக்குக் கிடைத்த “உண்மையான தண்டனை மற்றும் தகுதியான நீதி” என்றும் மிக ஆக்ரோஷமாகக் குறிப்பிட்டுள்ளார். மேலும், கடந்த 18 ஆண்டுகளாக அவர் தனது வாழ்க்கையை நரகமாக்கியதாகவும், அதனால் அவரது ஆன்மா கொடிய வலியாலும் சித்திரவதையாலும் வதைக்கப்படட்டும் என்றும் அவர் சாபமிடும் வகையில் எழுதியுள்ளார். ஒட்டுமொத்த திரையுலகமும் நானா படேகரின் மறைவுக்கு இரங்கல் தெரிவித்து வரும் வேளையில், தனுஸ்ரீயின் இந்தப் பதிவு அதிர்ச்சியை ஏற்படுத்தியுள்ளது.

கடந்த 2008-ஆம் ஆண்டு திரைப்பட படப்பிடிப்பின் போது நானா படேகர் தனக்கு பாலியல் தொல்லை அளித்ததாக 2018-ல் இந்தியாவில் தொடங்கிய ‘மீ டூ’ இயக்கத்தின் மூலம் தனுஸ்ரீ தத்தா முதன்முதலில் குற்றம்சாட்டினார். இந்த வழக்கில் போதிய ஆதாரங்கள் இல்லை என காவல்துறை வழக்கை முடித்து வைத்த போதும், இந்த விவகாரத்தால் தனது திரையுலக வாழ்க்கை முற்றிலும் பாதிக்கப்பட்டதாக தனுஸ்ரீ தொடர்ந்து கூறி வருகிறார். தற்போது நானா படேகரின் மறைவுக்குப் பிறகும் தனுஸ்ரீயின் இந்தத் தொடர் குற்றச்சாட்டுகள் மற்றும் சாபங்கள் இணையத்தில் பேசுபொருளாக மாறியுள்ளன.