“கடந்த சில நாட்களாகவே நீடித்த கொடுமை..!” 12-வது மாடியில் இருந்து விழுந்த 36 வயது இளைஞர் எடுத்த விபரீத முடிவு.. நெஞ்சை உலுக்கும் பின்னணி..!!

உத்தரப் பிரதேச மாநிலம் கிரேட்டர் நொய்டா வெஸ்ட் பகுதியில் உள்ள ‘ஏஸ் டிவினோ’ குடியிருப்பு வளாகத்தின் 12-வது மாடியில் இருந்து விழுந்து 36 வயது இளைஞர் ஒருவர் பரிதாபமாக உயிரிழந்துள்ளார். உயிரிழந்த நபர் மத்தியப் பிரதேச மாநிலம் நிவாரி மாவட்டத்தில் உள்ள பிருத்விபூர் கிராமத்தைச் சேர்ந்த அனில் குமார் என அடையாளம் காணப்பட்டுள்ளார். இவர் கிரேட்டர் நொய்டாவில் உள்ள தனது உறவினர்களின் வீட்டிற்குத் தங்குவதற்காக வந்திருந்த நிலையில் இந்தத் துயரச் சம்பவம் நிகழ்ந்துள்ளது.

தகவலறிந்து சம்பவ இடத்திற்கு விரைந்து வந்த பிஸ்ராக் காவல் நிலைய போலீசார், உடலைக் கைப்பற்றி பிரேதப் பரிசோதனைக்காக அனுப்பி வைத்தனர். உயிரிழந்த அனில் குமார் கடந்த சில காலமாகவே கடுமையான மன அழுத்தத்தால் பாதிக்கப்பட்டு சிகிச்சை பெற்று வந்ததாக அவரது குடும்பத்தினர் போலீசாரிடம் தெரிவித்துள்ளனர். இது தற்கொலையா அல்லது எதிர்பாராதவிதமாக தவறி விழுந்து நடந்த விபத்தா என்பது உட்பட இந்தச் சம்பவத்தின் அனைத்து கோணங்களிலும் போலீசார் தீவிர விசாரணை மேற்கொண்டு வருகின்றனர்.